ىشكى ىستەر مينيسترلىگى سوتتالعان ايەلدەرگە راقىمشىلىق جاساۋ يدەياسىن قولدايتىنىن مالىمدەدى. ونداي جاعدايدا 2 مىڭنان استام ادامنىڭ بوستاندىققا شىعۋى مۇمكىن ەكەنىن جانە بۇل بيۋدجەت قارجىسىن ۇنەمدەيتىنىن ايتتى.

قازاقستاندا قىلمىستىق قۇقىقبۇزۋشىلىق جاساعانى ءۇشىن 6399 ايەل جازاسىن وتەپ جاتىر، ونىڭ 2692ء-سى تۇرمەدە، 3707ء-سى پروباسيالىق باقىلاۋدا.

ءىىم دەپۋتات قاراقات ابدەننىڭ سوتتالعان ايەلدەرگە راقىمشىلىق جاساۋ يدەياسى ويعا قونىمدى ەكەنىن ايتادى

"مۇنداي راقىمشىلىق اكتىسى تۋرالى ۇسىنىس تۇجىرىمدامالىق تۇرعىدان قولداۋ تاپتى. 2 مىڭنان استام سوتتالعاندى بوساتۋ بيۋدجەت قارجىسىن تاۋلىگىنە 5،8 ميلليون تەڭگەگە دەيىن ۇنەمدەۋگە مۇمكىندىك بەرەدى”، – دەدى ىشكى ىستەر ءمينيسترى ەرجان سادەنوۆ.

ءبىر سوتتالعانعا كۇنىنە جالپى شىعىن – 2،9 مىڭ تەڭگە، تيىسىنشە، جىلىنا 2،1 ميلليارد تەڭگە.

ءىىم مالىمەتىنشە، راقىمشىلىق قولدانىلسا، جەڭىل جانە ورتاشا اۋىرلىقتاعى قىلمىسى ءۇشىن سوتتالعان 1220 ايەل جازادان بوساتىلۋى مۇمكىن. سونداي-اق 2002 ايەل زورلىق-زومبىلىقسىز قىلمىس جاساعانى ءۇشىن سوتتالعان. ونىڭ ىشىندە 1766-سى ءبىرىنشى رەت قىلمىس جاساعان، 150ء-ى اۋىر ەمەس جانە اۋىرلىعى ورتاشا قىلمىس جاساعان.

سونداي-اق اۋىر جانە اسا اۋىر قىلمىس جاساعان 5055 ايەلدىڭ جازا مەرزىمى قىسقارتىلۋى مۇمكىن.

ۆەدومستۆو سوتتالعانداردىڭ الەۋمەتتىك جاعدايىن ەسەپكە الۋدى ۇسىندى. سەبەبى ونىڭ ىشىندە 29 مۇگەدەك ايەل، 60 جاستان اسقان 243 ادام، جۇكتى 13 ايەل، كىشكەنتاي بالالارى بار 58 ايەل، كوپبالالى 226 انا بار.

3910 ايەل ماتەريالدىق/مورالدىق تالاپتى وتەمەگەن. ءىىم باسشىسى ولارعا تولىق امنيستيا جاريالاماي، جازاسىن جەڭىلدەتۋگە بولادى دەيدى.

ىشكى ىستەر مينيسترلىگى كونستيتۋسيا بويىنشا بارلىق ازامات زاڭ الدىندا تەڭ ەكەنىن، بوساتۋ تۋرالى شەشىم كەزىندە جابىرلەنۋشىلەردىڭ قۇقىعى ەسكەرىلەتىنىن باسا ايتتى. 

"ەشكىم جىنىسى بويىنشا ەشقانداي كەمسىتۋشىلىككە ۇشىراماۋى كەرەك. حالىقتىڭ الەۋمەتتىك وسال ساناتىنا جاتاتىن سوتتالعان ەرلەر سانى 920 ادام. وعان ءى جانە ءىى توپتاعى مۇگەدەكتەر، ۇوس قاتىسۋشىلارىنا تەڭەستىرىلگەندەر، مۇگەدەك بالالاردى تاربيەلەپ وتىرعاندار، زەينەتكەرلەر، تولىق ەمەس وتباسىلار كىرەدى"، – دەپ تولىقتىردى سادەنوۆ.