پرەزيدەنتتىڭ كەڭەسشىسى – باسپا ءسوز حاتشىسى بولىپ رۋسلان سۇلتان ۇلى جەلدىباي تاعايىندالدى. مەملەكەت باسشىسى ءتيىستى وكىمگە قول قويدى. رۋسلان جەلدىباي بۇعان دەيىن دە پرەزيدەنتتىڭ باسپا ءسوز حاتشىسى قىزمەتىن اتقارعان. ودان بۇرىن پرەزيدەنت اكىمشىلىگىنىڭ ىشكى ساياسات ءبولىمى مەڭگەرۋشىسىنىڭ ورىنباسارى، پرەمەر-مينيستر كەڭسەسى باسشىسىنىڭ ورىنباسارى سياقتى لاۋازىمداردا بولعان. 

رۋسلان جەلدىباي 1989 جىلى جامبىل وبلىسىندا تۋعان.

ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن، ۋوريك ۋنيۆەرسيتەتىن (ۇلىبريتانيا) بىتىرگەن. «بولاشاق» باعدارلاماسىنىڭ تۇلەگى.

ەڭبەك جولىن 2012 جىلى «قازاقستان» تەلەارناسىندا رەداكتور بولىپ باستاعان.

2012-2018 جج. – «الماتى» تەلەارناسىندا ءبولىم باسشىسى، پروديۋسەر.

2018-2019 جج. – ق ر اقپارات جانە كوممۋنيكاسيالار كوميتەتىنىڭ ينتەرنەت كەڭىستىگىندەگى جانە الەۋمەتتىك جەلىلەردەگى اقپاراتتىق جۇمىس جونىندەگى باسقارما باسشىسىنىڭ م.ا.، باسشىسى.

2019-2020 جج. – ق ر اقپارات جانە قوعامدىق دامۋ مينيسترلىگىنىڭ اقپارات كوميتەتى ءتوراعاسىنىڭ ورىنباسارى.

2020 جىلدىڭ مامىر ايىنان باستاپ قازىرگى ۋاقىتقا دەيىن ق ر پرەزيدەنتى اكىمشىلىگىنىڭ ىشكى ساياسات ءبولىمى مەڭگەرۋشىسىنىڭ ورىنباسارى بولدى.