اقش پرەزيدەنتى دونالد ترامپتىڭ اكىمشىلىگى ەۋروپالىق شەنەۋنىكتەرگە پاسحا مەرەكەسىنە (20 ءساۋىر) دەيىن ۋكراينادا اتىستى توقتاتۋعا قول جەتكىزگىسى كەلەتىنىن ايتتى.
اگەنتتىكتىڭ جازۋىنشا، باتىس شەنەۋنىكتەرى سوعىس قيمىلدارىن 20 ساۋىرگە دەيىن توقتاتۋ جوسپارىن تىم امبيسيالى جانە مۇمكىن ەمەس دەپ سانايدى. Bloomberg اقپارات كوزدەرىنىڭ ءبىرى بىتىمگە كەلۋدىڭ ناقتى مەرزىمى ءساۋىر ەمەس، 2025 جىلدىڭ سوڭى بولۋى مۇمكىن ەكەنىن اتاپ ءوتتى.
الداعى كەلىسسوزدەر اياسىندا ەۋروپا ەلدەرى ۋكرايناعا اسكەري كومەكتىڭ جاڭا اۋقىمدى پاكەتىن ازىرلەپ جاتىر. Bloomberg اگەنتتىگىنىڭ حابارلاۋىنشا، جوسپاردىڭ ەگجەي-تەگجەيلەرى 2025 جىلدىڭ 23 اقپانىنا دەيىن جاريالانبايدى. بۇل كۇنى گەرمانيادا مەرزىمىنەن بۇرىن پارلامەنت سايلاۋى وتەدى. وسىلايشا، ساياساتكەرلەر داۋىس بەرۋ الدىندا داۋ-دامايدان اۋلاق بولادى، دەيدى اگەنتتىك.
ەۋروپالىق كوشباسشىلار ۋكرايناداعى جاعدايدى تالقىلاۋ ءۇشىن كەزدەسەدى
قاڭتار ايىنىڭ سوڭىندا ۋكراينالىق Strana.ua باسىلىمى دونالد ترامپتىڭ رەسەي-ۋكراينا سوعىسىن توقتاتۋعا ارنالعان 100 كۇندىك جوسپارىن جاريالادى. راستالماعان مالىمەتتەرگە سايكەس، اتىستى توقتاتۋ 20 ساۋىردە جاريالانۋى مۇمكىن، ال بىتىمگەرشىلىك كونفەرەنسياسىنىڭ دەكلاراسياسى 9 مامىردا دايىندالادى دەپ بولجانعان. ەشبىر تاراپ بۇل قۇجاتتىڭ شىنايىلىعىن راستاعان جوق.
ۋكراينانىڭ ۇلتتىق قاۋىپسىزدىك جانە قورعانىس كەڭەسى باق-تا سوعىستىڭ اياقتالۋى مەن كەلىسسوزدەردىڭ باستالۋىنىڭ ناقتى كۇندەرى تۋرالى جاريالانعان اقپارات شىندىققا سايكەس كەلمەيدى دەپ مالىمدەدى.
پىكىر قالدىرۋ