17 اقپاندا ەلىمىزدىڭ باسىم بولىگىندە قولايسىز مەتەورولوگيالىق جاعداي كۇتىلەدى.
Cينوپتيكتەردىڭ بولجامىنا سۇيەنسەك، پاۆلودار، قاراعاندى، بالقاش، تەمىرتاۋ، وسكەمەن، سەمەي، ريددەر جانە الماتى قالالارىندا اۋا ساپاسى ءبىرشاما ناشارلايدى.
قولايسىز مەتەورولوگيالىق جاعداي – اتموسفەرالىق اۋانىڭ بەتكى قاباتىندا زياندى زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى، جەڭىل جەل، تۇمان، ينۆەرسيا) جيىنتىعى.
قمج جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.
قولايسىز مەتەوجاعداي كەزىندە ۇسىنىلاتىن كەڭەستەر:
- اشىق اۋادا، اسىرەسە اۆتوتراسسا نەمەسە باسقا دا لاستانۋ كوزدەرىندە بولۋ ۋاقىتىن قىسقارتۋ؛
- بالالار مەن جۇكتى ايەلدەرگە ۇزاق سەرۋەندەۋدەن باس تارتۋ؛
- جۇرەك-قانتامىر، وكپەنىڭ سوزىلمالى اۋرۋلارى، اللەرگيالىق اۋرۋلارى بار ادامدارعا اشىق اۋادا بولعان جاعدايدا دارىلەرىن بىرگە الىپ ءجۇرۋ؛
- اشىق اسپان استىندا فيزيكالىق جۇكتەمەنى ازايتۋ. سپورت جانە دەنە شىنىقتىرۋمەن جابىق سپورت كەشەندەرىندە اينالىسۋ.
پىكىر قالدىرۋ