تامارا دۇيسەنوۆا پرەمەر-مينيستردىڭ ورىنباسارى قىزمەتىنەن بوساتىلدى. ول مەملەكەت باسشىسىنىڭ كومەكشىسى لاۋازىمىنا تاعايىندالدى.
ءتيىستى جارلىققا مەملەكەت باسشىسى قول قويدى.
"تامارا دۇيسەنوۆا بۇرىن اتقارعان قىزمەتىنەن بوساتىلىپ، پرەزيدەنتتىڭ كومەكشىسى لاۋازىمىنا تاعايىندالسىن"، –دەلىنگەن جارلىق ماتىنىندە.
تامارا دۇيسەنوۆا 1965 جىلى 11 قاڭتاردا دۇنيەگە كەلگەن. 1987 جىلى تاشكەنت حالىق شارۋاشىلىعى ينستيتۋتىن ينجەنەر-ەكونوميست ماماندىعى بويىنشا بىتىرگەن.
ەڭبەك جولىن سارىاعاش قالاسىنداعى يليچ اتىنداعى ورتا مەكتەپتە ءمۇعالىم بولىپ باستاعان. ءار جىلدارى ەكونوميست، شىمكەنت قالاسى اكىمىنىڭ ورىنباسارى بولدى.
- 2002-2006 جىلدارى ەڭبەك جانە حالىقتى الەۋمەتتىك قورعاۋ ۆيسە-مينيسترى؛
- 2013-2014 جىلدارى ەڭبەك جانە حالىقتى الەۋمەتتىك قورعاۋ مينيسترلىگىن باسقاردى؛
- سودان كەيىن ول ءۇش جىل دەنساۋلىق ساقتاۋ جانە الەۋمەتتىك دامۋ ءمينيسترى قىزمەتىن اتقاردى؛
- 2019-2020 جىلدارى – قازاقستان پرەزيدەنتىنىڭ شتاتتان تىس كەڭەسشىسى؛
- 2020-2022 جىلدارى – قازاقستان پرەزيدەنتىنىڭ كومەكشىسى – پرەزيدەنت اكىمشىلىگىنىڭ وتىنىشتەردى قاراۋ مونيتورينگى ءبولىمىنىڭ مەڭگەرۋشىسى؛
- 2023 جىلعى 8 ماۋسىمنان باستاپ پرەمەر-مينيستردىڭ ورىنباسارى – ەڭبەك جانە حالىقتى الەۋمەتتىك قورعاۋ ءمينيسترى؛
- 2023 جىلعى 2 قىركۇيەكتە دۇيسەنوۆا ەڭبەك ءمينيسترى قىزمەتىنەن بوساتىلدى.
ول پرەمەر-مينيستردىڭ ورىنباسارى بولىپ تاعايىندالدى.
پىكىر قالدىرۋ