2025 جىلعى 14 اقپاندا ىشكى ىستەر مينيسترلىگىندە موپەدتى تىركەۋ ءتارتىبى ءتۇسىندىرىلدى.
ءىم رەسمي وكىلى شىڭعىس الەكەشيەۆتىڭ ايتۋىنشا، موپەدتەردى تىركەۋ ءۇشىن تۇرعىلىقتى جەرى بويىنشا مامانداندىرىلعان حالىققا قىزمەت كورسەتۋ ورتالىعىنا بارۋ قاجەت. جەكە باسىن كۋالاندىراتىن قۇجات، ەلەكتروندى تۇردە دە بولادى، موپەدتىڭ تەحنيكالىق قۇجاتىن نەمەسە تەحنيكالىق سيپاتتامالارى تۋرالى مالىمەتتى ۇسىنۋ قاجەت. سودان سوڭ ءوتىنىش تولتىرىپ، موپەدتى تەكسەرۋ كەرەك.
بۇل رەتتە، كەلەسى مەملەكەتتىك باجدار تولەنەدى:
- تىركەۋ - 0،25 اەك جانە
- تىركەۋ تۋرالى كۋالىك - 1،25 اەك
- مەملەكەتتىك ءنومىر - 1،4 اەك
"ەشقانداي قۇجات نەمەسە VIN-كود بولماعان جاعدايدا يا بولماسا قانداي دا ءبىر سەبەپتەرگە بايلانىستى موپەدتىڭ شىعارىلعان جىلىن بەلگىلەۋ مۇمكىن بولماسا، ونى ىشكى ىستەر ورگاندارى تەكسەرۋ جۇرگىزگەننەن كەيىن بەرەدى. بۇل رەتتە ونى قاراپ-تەكسەرۋ جۇرگىزىلگەن جىل موپەدتىڭ شىعارىلعان جىلى بولىپ ەسەپتەلەدى". شىڭعىس الەكەشيەۆ
زاڭعا سايكەس 5 ساۋىردەن كەيىن تىركەلمەگەن موپەدتەردى باسقارۋعا تىيىم سالىنادى. قۇقىق بۇزۋشىلىق انىقتالعان جاعدايدا اكىمشىلىك قۇقىق بۇزۋشىلىق تۋرالى كودەكستىڭ 590-بابىنىڭ 2-تارماعىمەن اكىمشىلىك جاۋاپكەرشىلىك كوزدەلگەن.
پىكىر قالدىرۋ