باقىلاۋ شارالارىن جۇرگىزۋ كەزىندە مەملەكەتتىك كىرىس ورگاندارى ۋاكىلەتتى مەملەكەتتىك ورگاندارمەن، ۇيىمدارمەن جانە وزگە دە تۇلعالارمەن ءوزارا ءىس-قيمىلدى جۇزەگە اسىرادى.

ءتۇرلى اقپارات كوزدەرىنەن الىنعان دەرەكتەردى ۇسىنىلعان سالىق دەكلاراسيالارىنىڭ مالىمەتتەرىمەن سالىستىرۋ قورىتىندىسى بويىنشا 594 تۇلعالارعا 53،3 ملرد تەڭگەگە سايكەسسىزدىكتەر بەلگىلەندى، ناتيجەسىندە اعىمداعى جىلدىڭ 13-14 اقپان ارالىعىندا «كىرىستەردى تومەندەتۋ» بۇزۋشىلىقتارى بويىنشا كامەرالدىق باقىلاۋ حابارلامالارى جىبەرىلدى. حابارلامانى ورىنداۋ ماقساتىندا دەربەس ەسەپتەلگەن سالىقتاردى تولەي وتىرىپ، قوسىمشا سالىق ەسەپتىلىگىن تاپسىرىلادى نەمەسە حابارلامامەن كەلىسپەگەن جاعدايدا تۇسىندىرمەنى ۇسىنۋ قاجەت. حابارلامانىڭ ورىندالۋ مەرزىمى 30 جۇمىس كۇنىن قۇرايدى، - دەلىنگەن حابارلامادا.

سونىمەن قاتار، تابىس الۋ كەزىندە سالىقتاردى تولەۋ قاجەتتىلىگىنە، ونىڭ ىشىندە ءارتۇرلى ينتەرنەت-رەسۋرستارىندا ونلاين-جارنامالاردى جاريالاۋعا (اقپاراتتىق ونىمدەردى جىلجىتۋ نەمەسە ساتۋ، ءارتۇرلى وقىتۋ كۋرستارىن ساتۋ، ۇتىس ويىندارىن وتكىزۋ جانە ت.ب.) نازار اۋدارامىز. كورسەتىلگەن مىندەتتەمەلەر قازاقستان رەسپۋبليكاسىنىڭ كونستيتۋسياسىندا جانە سالىق كودەكسىندە بەلگىلەنگەن.