پوليسيا دەپارتامەنتىنىڭ ورتالىق جەدەل باسقارماسىنىڭ مالىمەتىنە سۇيەنسەك، سارىارقا اۋدانىندا گوتە كوشەسىندە جارىلىس بولعان.

وقيعا ورنىنا دەرەۋ قۇتقارۋشىلار كەلدى. ءورت بولعان جوق. زارداپ شەككەندەر جوق. وقيعا ناتيجەسىندە ءبىر ادام جارىقشاقتان قولىنان ازداپ كەسىلگەن. جەدەل مەديسينالىق جاردەم بريگاداسى وقيعا ورنىندا كومەك كورسەتتى، اۋرۋحاناعا جاتقىزۋ قاجەتى بولمادى. وقيعانىڭ سەبەپتەرى مەن ءمان-جايلارى ناقتىلانۋدا، - دەپ اتاپ ءوتتى توتەنشە جاعدايلار مينيسترلىگى.

ال "قازاقستان تەمىرجولى" بولىمشەسى كەزەكشىسى 12ء-شى سۇرىپتاۋ جولىندا پلاتفورماداعى كونتەينەردە جارىلىس بولعانىن ايتتى.

14 اقپان ساعات 00:30-دا. استانا ستانسياسىنىڭ سۇرىپتاۋ جولىندا جۇك كونتەينەرىندە جارىلىس ورىن الدى. الدىن الا مالىمەت بويىنشا كونتەينەردەگى جۇك — ەلەكتر جابدىقتارى (ترانسفورماتورلار، گەنەراتورلار) بولعان. قۇربان بولعاندار مەن زارداپ شەككەندەر جوق. كونتەينەر جەكە كومپانياعا تيەسىلى بولىپ شىقتى، - دەلىنگەن حابارلامادا.