الماتى قالاسى اكىمدىگىنىڭ تىلدەردى دامىتۋ باسقارماسىندا 15 مامىر كۇنى "رۋحاني جاڭعىرۋ" باعدارلاماسى اياسىندا "قازاق ءالىپبيىن لاتىن قارپىنە كوشىرۋدىڭ وزەكتى ماسەلەلەرى" اتتى عىلىمي-پراكتيكالىق كونفەرەنسيا وتكىزىلدى. اتالمىش جيىن تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسىن ىسكە اسىرۋ جونىندەگى الماتى قالاسىنىڭ 2017-2019 جىلدارعا ارنالعان ءىس-شارالار جوسپارىن جۇزەگە اسىرۋ ماقساتىندا جانە باسقارمانىڭ 2018 جىلعا ارنالعان جۇمىس جوسپارىنا سايكەس ۇيىمداستىرىلدى. كونفەرەنسياعا قازاق ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا مۇشەلەرى، ءتىلشى عالىمدار، ءبىلىم، عىلىم مەكەمەلەرىنىڭ ماماندارى، دوكتورانتتار، ماگيسترانتتار، مەملەكەتتىك ورگانداردىڭ ءتىل ماسەلەسىنە جاۋاپتى قىزمەتكەرلەرى، قوعامدىق ۇيىمدار مەن ب ا ق وكىلدەرى قاتىسىپ، ويلارىن ورتاعا سالدى. كونفەرەنسيادا قازاق ءتىلىنىڭ دىبىستىق جۇيەسى جانە قازاق دىبىستارىنىڭ لاتىن تاڭباسىمەن تاڭبالانۋى، جازۋدىڭ قىزمەتى جانە قازاق قوعامىندا قولدانىلعان جازۋ تۇرلەرى، لاتىن قارپىنە بۇرىنىراق وتكەن تۇركى حالىقتارىنىڭ تاجىريبەسى، لاتىن قارپىنە ءوتۋ بويىنشا قۇرىلعان رەسمي جۇمىس توپتارىنىڭ جۇمىس تۋرالى كەڭىنەن ءسوز بولدى.
كونفەرەنسيانى الماتى قالاسى تىلدەردى دامىتۋ باسقارماسىنىڭ باسشىسى شيماشيەۆا راحات سەيداحمەت قىزى كىرىسپە ءسوز سويلەپ اشتى. العاشقى باياندامانى قازاقستان رەسپۋبليكاسى ءبىلىم جانە عىلىم مينيسترلىگىنىڭ ا. بايتۇرسىن ۇلى اتىنداعى ءتىل ءبىلىمى ينستيتۋتىنىڭ باس عىلىمي قىزمەتكەرى، فيلولوگيا عىلىمدارىنىڭ دوكتورى، قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيانىڭ مۇشەسى ءالىمحان جۇنىسبەك جاسادى. ءارى قاراي قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا جانىنداعى جۇمىس توپتارىنىڭ مۇشەلەرى زەينەپ بازاربايەۆا، فاۋزيا ورازبايەۆا، باعدان مومىنوۆا، مۇحامبەديا احمەتوۆ، بيجومارت قاپالبەك، ءبىلال قۋانىش سىندى عالىمدار باعدارلامادا كورسەتىلگەن رەتىمەن ءسوز سويلەپ، جۇمىس توپتارىنىڭ الداعى جوسپارلارى تۋرالى باياندادى.
كونفەرەنسيانىڭ ماتەريالدارىمەن ۇسىنىلعان باياندامالاردان قۇراستىرىلعان «قازاق ءالىپبيىن لاتىن قارپىنە كوشىرۋدىڭ وزەكتى ماسەلەلەرى» اتتى جيناقتان تولىق تانىسۋعا بولادى.
