قازاقستان رەسپۋبليكاسى ۇلتتىق بانك باسقارماسىنىڭ 2018 جىلعى 28 مامىرداعى №91 قاۋلىسىمەن  29 مامىردان باستاپ «ەكسيمبانك قازاقستان» اق-تىڭ جەكە تۇلعالاردىڭ دەپوزيتتەرىن قابىلداۋعا، بانك شوتتارىن اشۋعا ارنالعان ليسەنزياسى 2018 جىلدىڭ 29 تامىزىنا دەيىن توقتاتىلدى، دەپ حابارلايدى Qamshy.kz اقپارات اگەنتتىگى ق ر ۇلتتىق بانكتىڭ باسپا ءسوز قىزمەتىنە سىلتەمە جاساپ.

بۇل شەشىمدى ۇلتتىق بانك «قازاقستان رەسپۋبليكاسىنداعى بانكتەر جانە بانك قىزمەتى تۋرالى» قازاقستان رەسپۋبليكاسى زاڭىنىڭ 48-بابى 1-تارماعىنىڭ گ) جانە ز) تارماقشالارىندا كوزدەلگەن نەگىزدەر بويىنشا پرۋدەنسيالىق نورماتيۆتەر مەن نورماتيۆتىك قۇقىقتىق اكتىلەردى جۇيەلى (قاتارىنان كۇنتiزبەلiك ون ەكi اي iشiندە ءۇش جانە ودان دا كوپ رەت) بۇزعانى ءۇشىن بانكتىڭ بانك زاڭناماسىنىڭ تالاپتارىن جەكەلەگەن بۇزۋشىلىقتارعا قاداعالاپ دەن قويۋ شەڭبەرىندە قابىلدادى.