باس پروكۋراتۋرا قىزمەتكەرلەرى سىبايلاس جەمقورلىققا قارسى قىزمەتپەن بىرلەسە وتىرىپ، «ليدەر نەفتەپرودۋكت KZ» جشس-نىڭ ديرەكتورى باقىت يبراگيمدى  قىلمىستىق جاۋاپتىلىققا تارتۋ ءۇشىن گەرمانيادان ەكستراديسيالادى. بۇل تۋرالى Qamshy.kz اقپارات اگەنتتىگى باس پروكۋراتۋرا تاراتقان اقپاراتقا سۇيەنىپ حابارلايدى.

ۇستالعان الدىن الا ءسوز بايلاسقان ادامدار توبىمەن «Bank RBK» اق-نان  اسا ءىرى كولەمدە اقشالاي قاراجاتتى الاياقتىق جولمەن جىمقىرعان دەپ كۇدىكتەلىنۋدە.

2013-2016 جىلدار ارالىعىنداعى مەرزىمدە جىمقىرىلعان قاراجاتتىڭ جالپى كولەمى 50 ملرد. تەڭگەنى جانە  83 ملن. اقش دوللارىن قۇرايدى.

قىلمىستى جاساعاننان كەيىن، كۇدىكتى قىلمىستىق قۋدالاۋ ورگاندارىنان جاسىرىنىپ قالعان، وسىعان بايلانىستى وعان حالىقارالىق ىزدەۋ جاريالاندى.        

قازىرگى ۋاقىتتا يبراگيم استانا قالاسىنىڭ تەرگەۋ يزولياتورىندا.