5 ماۋسىمدا قازاقستاننىڭ كوپ بولىگىندە كۇن اشىق بولادى. تەك سولتۇستىك، وڭتۇستىك-شىعىستا اتموسفەرانىڭ فرونتالدى بولىگىنىڭ وتۋىنە بايلانىستى كۇن قۇبىلادى، كەي جەرلەردە قىسقا جاڭبىر جاۋادى، تۇمان ءتۇسىپ، جەل كۇشەيۋى مۇمكىن، دەپ حابارلايدى Qamshy.kz اقپارات اگەنتتىگى "قازگيدرومەتكە" سىلتەمە جاساپ. 

— سولتۇستىك قازاقستان وبلىسىندا جەل سەكۋندىنا 23-28 مەترگە دەيىن سوعادى، كەي جەرلەردە نايزاعاي ويناپ، داۋىل تۇرۋى مۇمكىن، بۇرشاق جاۋۋى دا عاجاپ ەمەس، تۇندە جانە تاڭەرتەڭ كەي جەرلەردە تۇمان تۇسەدى. اقمولا، ماڭعىستاۋ، باتىس قازاقستان وبلىستارىندا، كۇندىز اقتوبە، پاۆلودار، قوستاناي وبلىستارىندا كەي جەرلەردە جەل سەكۋندىنا 15-20 مەترگە دەيىن كۇشەيەدى. اقمولا وبلىسىندا تۇندە نايزاعاي وينايدى، قوستاناي وبلىسىندا تۇمان كۇتىلەدى، الماتى وبلىسىندا دا نايزاعاي ويناۋى مۇمكىن، – دەلىنگەن حابارلامادا. 

قاراعاندى وبلىسىندا كۇندىز قاتتى ىستىق بولادى. 

ماڭعىستاۋ وبلىسىندا ءورت تۇتانۋ ءقاۋپى بار.