بەلگىلى ساياساتتانۋشىلار مەن قوعام بەلسەندىلەرى استاناداعى ءىرى شەندىلەردىڭ جاپپاي ۇستالىپ جاتقانىن تالقىلاۋدا، دەپ جازادى Qamshy.kz اقپارات اگەنتتىگى. 

ءبىراق ناقتى رەسمي مالىمەتتەر جوق. "جەل سوقپاسا، ءشوپتىڭ باسى قيمىلدامايتىنىن" ەسكەرسەك، قوعام بەلسەندىلەرىنىڭ جەلىدەگى جازبالارىنان كوپتى ەلەڭ ەتكىزەر وقيعالاردىڭ شەتىن كورۋگە بولادى. 

"رەسمي ەمەس مالىمەتتەر بويىنشا استانادا رەسپۋبليكالىق دەڭگەيدەگى ءبىرقاتار جوعارى شەندىلەر جاپپاي تۇتقىندالىپ جاتىر. كەيبىر مينيسترلەر ءوز ەركىمەن لاۋازىمدارىن بوساتۋعا دايىندالىپ وتىرعانى دا جاسىرىن ەمەس. الايدا پرەزيدەنت جۇمىس بابىمەن قىتايعا ۇشىپ كەتتى. ءبىراق ول بۇيرىقتارعا ەلدە جۇرگەن كەزىندە قول قويۋى مۇمكىن. ناقتى اقپاراتتار كەيىنىرەك بەلگىلى بولادى"، - دەدى ساياساتتانۋشى تالعات قالييەۆ ءوزىنىڭ تەلەگرام پاراقشاسىندا. 

سونىمەن قاتار ەكس-ديپلومات، بلوگەر قازبەك بەيسەبايەۆ: "بۇگىن كۆازيمەملەكەتتىك سەكتوردىڭ ءىرى كوشباسشىلارى ۇستالدى دەگەن سىبىس شىقتى. ولاردىڭ قاتارىندا كومپانيالار مەن حولدينگتەر، مەملەكەتكە قاتىستى ءتۇرلى كومپانيالار مەن كاسىپورىندار بار. بۇل جەردە تۋىندايتىن جالعىز سۇراق بار: بۇل سىبايلاس جەمقورلىقپەن ناقتى كۇرەس پە، الدە ەلدەگى ءتۇرلى كۇشتەر اراسىنداعى تارتىستىڭ باستالعانى ما؟" - دەپ جازدى Facebook-تا.