قازاقستان پرەزيدەنتى نۇرسۇلتان نازاربايەۆ كوممەرسيالىق ەمەس ۇيىمداردىڭ قىزمەتىن رەتتەۋ جونىندەگى كەيبىر زاڭ اكتىلەرىنە وزگەرىستەر مەن تولىقتىرۋلار ەنگىزۋ جونىندەگى زاڭ جوباسىنا قول قويدى. پرەزيدەنتتىڭ رەسمي سايتىندا جاريالانعان اقپاراتقا قاراعاندا، زاڭ مەملەكەتتىك الەۋمەتتىك تاپسىرىستاردى، گرانتتار مەن سىياقىلاردى بەرۋ تەتىكتەرىن جەتىلدىرمەك.
بيىل قاڭتار ايىنىڭ سوڭىندا پارلامەنت ماجىلىسىندە سول كەزدەگى ءدىن ىستەرى جانە ازاماتتتىق قوعام ءمينيسترى نۇرلان ەرمەكبايەۆ ۇكىمەتتىك ەمەس ۇيىمدار (ۇەۇ) تۋرالى زاڭ جوباسىن تانىستىرىپ، زاڭنىڭ كوممەرسيالىق ەمەس ۇيىمداردىڭ جۇمىسىن رەتتەۋدە "ماڭىزدى" ەكەنىن ايتقان. ول زاڭعا الەۋمەتتىك جوبانىڭ قانشالىقتى ءتيىمدى ورىندالعانىن باعالاۋ كريتەرييلەرى ەنگىزىلگەنىن ايتقان.
رەسمي مالىمەت بويىنشا، قازاقستاندا 50 مىڭعا جۋىق كوممەرسيالىق ەمەس ۇيىم، 19 ۇكىمەتتىك ەمەس ۇيىم تىركەلگەن. بىلتىر قازاقستانداعى ۇكىمەتتىك ەمەس ۇيىمدارعا 2،7 ميلليارد تەڭگە قارجى بولىنگەن.
پىكىر قالدىرۋ