14 ماۋسىمدا قازاقستان جۋرناليستەر وداعىندا ەسەپتىك-سايلاۋ كونفەرەنسياسى ءوتتى. وندا ۆيدەوبايلانىس ارقىلى بارلىق ءوڭىردىڭ جۋرناليستەرى قاتىستى. جۋرناليستەر باسقارمانىڭ الداعى ۋاقىتتاعى مىندەتتەرى مەن جوسپارلارىن تالقىلادى.
سونىمەن قاتار،قوعامدىق بىرلەستىكتى باسقارۋ ورگاندارىنىڭ سايلاۋى ءوتتى. قازاقستان جۋرناليستەر وداعىنىڭ ءتوراعاسى بولىپ سەيىتقازى ماتايەۆ تاعايىندالدى.
ايتا كەتەيىك، 2016 جىلى سەيىتقازى ماتايەۆ اقشا جىمقىردى دەگەن كۇدىكپەن ءۇي قاماۋىنا الىنعان بولاتىن. وعان قارسى «الاياقتىق» جانە «سالىقتان نەمەسە بيۋدجەتكە ۇيىمنىڭ وزگە مىندەتتى تولەمدەرىن جالتارۋ» ايىبى تاعىلعان. ال 2017 جىلدىڭ جەلتوقسانىندا سەيىتقازى ماتايەۆقا قاتىستى شارتتى تۇردە مەرزىمىنەن بۇرىن بوساتۋ تۋرالى شەشىم شىققان بولاتىن.
