وبلىس اكىمى التاي كولگىنوۆتىڭ اۋداندارعا ساپارى جالعاسىپ جاتىر، دەپ حابارلايدى Qamshy.kz اقپارات اگەنتتىگى. وسى اپتادا باستالعان اۋداندارعا ساپارى اياسىندا ول جاڭاقالا جانە جانىبەك، بوكەي ورداسى اۋداندارىنا باردى. اكىمنىڭ قازتالوۆ اۋدانىنا ساپارى اۋدان ورتالىعىنداعى ساز مەكتەبىنىڭ قۇرىلىس جۇمىستارىمەن تانىسۋدان باستالدى.

نومينالدىق قۋاتى 24 وقۋشىعا ارنالعان ساز مەكتەبىنىڭ جوبالىق قۇنى 87 ملن.615،9 مىڭ تەڭگە. بۇل جوباعا وبلىستىق بيۋدجەت ەسەبىنەن ازىرگە 44 ملن.500 مىڭ تەڭگە ءبولىنىپ، قۇرىلىس جۇمىستارىن «جولاۋشىجول» ج ش س جۇرگىزۋدە. الداعى ۋاقىتتا ساز مەكتەبىندە بي، مۋزىكالىق اسپاتتاردى ۇيرەتۋ سىنىپتارى، كونسەرتتىك زالى، گاردەروب، سانيتارلىق تورابى ىسكە قوسىلادى دەپ جوسپارلانۋدا.

قۇرىلىس نىسانىن ارالاپ كورگەن وبلىس اكىمى، اۋىل اقساقالدارى، ءماسليحات دەپۋتاتتارى جانە قوعامدىق ۇيىم وكىلدەرىمەن كەزدەستى. كەزدەسۋدە وبلىس اكىمى: قازتالوۆ اۋدانىندا اۋقىمدى جوبالار جۇزەگە اسۋدا. وزدەرىڭىز كورىپ وتىرعانداي، جالپاقتالدان اسقان قاتقىل تاباندى جول اۋدان ورتالىعىنا 35 شاقىرىم قالدى. ول جولدىڭ دا قۇرىلىسى باستالىپ كەتتى. الداعى ۋاقىتتا ورتالىقتارىڭىزعا كەلىپ جەتەدى. سونىمەن قاتار بيىلعى جىلى اۋداندارىڭىزدا 13 ەلدى مەكەندى كوگىلدىر وتىنعا قوسۋ جۇمىستارىن باستاپ جاتىرمىز. سونىڭ سىرتىندا قازتالوۆ، جالپاقتال اۋىلدارىنىڭ ىشكى جولدارىن جاساۋدى دا قولعا الىنۋدا. بۇدان باسقا تۇرعىن ءۇي قۇرىلىسى دا بار،- دەدى.

كەزدەسۋ بارىسىندا قازتالوۆ اۋدانىنىڭ اكىمى ابات شىنىبەكوۆ اۋدانىمىزدا اتقارىلىپ جاتقان جۇمىستار تۋرالى اڭگىمەلەپ بەرسە، اۋىل اقساقالدارى وسىنداي جۇمىستار ءۇشىن وبلىس اكىمىنە ەل اتىنان العىستارىن ءبىلدىردى.

بۇدان كەيىن ءوڭىر باسشىسى ات باسىن بوزوبا-قايىڭدى باعىتىنداعى قاراوزەن وزەنى ارقىلى وتەتىن قالقىمالى كوپىر باعىتىنا بۇردى.

بۇرىنعى قالقىمالى كوپىردىڭ ىستەن شىعۋىنا بايلانىستى قايىڭدى، بولاشاق اۋىلدىق وكرۋگتەرىنىڭ تۇرعىندارىنا اۋدان ورتالىعىمەن قاتىناس قيىنداپ، جالپاقتال ارقىلى اينالما جولمەن جۇرۋگە تۋرا كەلدى. مىنە، سول ماسەلەنىڭ ءتۇيىنى شەشىلىپ، جاڭادان جاسالعان قالقىمالى كوپىر 15 مامىر كۇنى اشىلعان بولاتىن. بۇل قالقىمالى كوپىردى ۆلاديمير سامسونوۆ جەتەكشىلىك ەتەتىن «ورال جوندەۋ كومپانياسى» ج ش س 52 ملن. 724 مىڭ تەڭگەگە سالعان. ۇزىندىعى 42 مەتر، ەنى 6 مەتر، جۇك كوتەرۋى 20 تونناعا دەيىن جەتەتىن كوپىر قۇرىلىسى ساپالى سالىنعان. وسى قالقىمالى كوپىر ارقىلى وتكەن جولاۋشىلار قايىڭدى، بولاشاق اۋىلدارى ارقىلى تاسقالا-ورال باعىتىنداعى تاس جولعا تىكەلەي شىعا الادى.
اقپاتەر اۋىلىندا بىلتىرعى جىلدان بەرى «اقبۇلاق» باعدارلاماسى بويىنشا تازا اۋىز سۋ قۇبىرىنىڭ رەكونستۋكسيالاۋ جۇمىستارى جۇرگىزىلۋدە. رەسپۋبليكالىق بيۋدجەتتەن قارجىلاندىرىپ جاتىرعان بۇل جوباعا 239 ملن.689،4 مىڭ تەڭگە ءبولىنىپ، ۇزىندىعى 18،731 شاقىرىمدى قۇرايتىن سۋ قۇبىرى تازا اۋىز سۋىمەن 1014 ادامدى قامتىماق. وسى جۇمىستاردىڭ باسىندا بولعان وبلىس باسشىسى مەردىگەر «باتىسگازستروي» ءجشس-نىڭ وكىلدەرىمەن كەزدەستى.
كازتالوۆ اۋدانىندا جۇزەگە اسىپ جاتقان اۋقىمدى جوبانىڭ ءبىرى – كيروۆ-شەجىن كانالىنىڭ 3ء-شى كەزەڭىن قايتا قۇرۋ جۇمىستارى. 3-كەزەڭ جۇمىستارىنىڭ ۇزىندىعى 47،9 شاقىرىمدى قۇرايتىن بۇل كانال ىسكە قوسىلعان كەزدە رەسەيدىڭ ەدىل وزەنىنەن كەلەتىن سۋ تاۋەلدىلىگىن ازايتىپ، جايىق سۋىن قاراوزەنگە اكەلۋ ماقساتى تۇر. بۇل جۇمىستارعا رەسپۋبليكا بيۋدجەتىنەن 1 ملرد.967،98 ملن كولەمىندە قارجى جۇمسالىپ وتىر. اتالعان جوبانى جۇزەگە اسىرۋ جىل سايىن جايىقتان قاراوزەنگە 50 ملن.تەكشە مەتر كولەمىندە سۋ ايداۋعا، بۇل ءوز كەزەگىندە جىلىنا 600-700 ملن.تەڭگە بيۋدجەت قاراجاتىن ۇنەمدەۋگە مۇمكىندىك بەرەدى. قۇرىلىس جۇمىستارىن مەردىگەر «ازياتەحستروي» ج ش س جۇرگىزىپ جاتىر. كيروۆ-شەجىن كانالىنىڭ قايتا قۇرۋ جۇمىستارىن ءوز كوزىمەن كورگەن وبلىس اكىمى: قازىرگى اتقارىلىپ جاتقان جۇمىستاردى ۋاقىتىن دا جانە ساپالى اياقتاۋىمىز قاجەت. الدا 4ء-شى كەزەڭنىڭ جۇمىستارىنىڭ جوسپارى تۇر،- دەي كەلە مەردىگەرگە تاپسىرما بەردى.

ءوڭىر باسشىسىنىڭ سوڭعى ايالداعان نىسانى جاڭاجول اۋلىنداعى كىرەبەرىس جانە اۋىل ىشىندەگى كوشەلەردىڭ جولدارىن كۇردەلى جوندەۋ جۇمىستارى. جاڭاجول اۋىلىنىڭ كىرە بەرىسى مەن جالپاقتال اۋىلىنا اپاراتىن شىعا بەرىس جولدارىنا جانە اۋىل ىشىندەگى 3 كوشەگە ۇزىندىعى 7،5 كم بولاتىن قاتقىل تاباندى جول سالۋ جۇمىستارى باستالعان. سونىمەن قاتار 4 كوشەگە جاياۋ جۇرگىنشى جولى دا جاسالىپ جاتىر. بۇل قۇرىلىس جوباسىنا رەسپۋبليكالىق بيۋدجەت ەسەبىنەن 704 ملن.887 مىڭ تەڭگە قاراجات ءبولىنىپ، قۇرىلىس جۇمىستارى جۇرگىزىلۋدە.