الماتىنىڭ ورتالىعىنداعى بەس قاباتتى ۇيدەن ءورت شىعىپ، تۇرعىندار ەۆاكۋاسيالاندى. بۇل تۋرالى ق ر تجك باسپا ءسوز قىزمەتى حابارلادى.
تۇرعىن ءۇي جامبىل مەن مۇراتبايەۆ كوشەلەرىنىڭ قيىلىسىندا ورنالاسقان. قۇتقارۋشىلاردىڭ دەرەگىنە سۇيەنسەك، ءورت اۋماعى 200 شارشى مەتردى قۇراعان.
ۇيدەن 100-گە جۋىق تۇرعىن ەۆاكۋاسيالاندى، ونىڭ 20-سى بالالار. ابىروي بولعاندا، زارداپ شەككەندەر جوق.
ءورتتى ءسوندىرۋ قىزمەتىنە 40 ادام مەن 17 تەحنيكا جۇمىلدىرىلدى.
تاڭعى ساعات 8.43-تە ءورت سوندىرۋشىلەر ءتىلسىز جاۋدى اۋىزدىقتادى.
پىكىر قالدىرۋ