مەديسينا قىزمەتكەرلەرىنىڭ مەرەكەسى ءبىزدىڭ ەلىمىزدە – ءوزىن مەديسينا ماماندىعىمەن بايلانىستىرىپ، ادام ءومىرى مەن دەنساۋلىعىن ساقتاۋعا ۇلەس قوسىپ جۇرگەن ازاماتتاردىڭ كۇنى. اۋدان كولەمىندەگى اق حالاتتى ابزال جانداردىڭ كاسىبي مەرەكەسى ق.جانداربەكوۆ اتىنداعى وبلىستىق دراما تەاترىندا سالتاناتتى تۇردە اتالىپ ءوتتى.
دەنساۋلىق ساقشىلارىنىڭ باسىن قوسقان مەرەكەلىك جيىندى اۋدان اكىمىنىڭ ورىنباسارى التىن ەشانقۇلوۆا اشىپ، مەديسينا قىزمەتكەرلەرىنىڭ ءتول مەرەكەسىمەن قۇتتىقتاپ، جىلى لەبىزىن ءبىلدىردى. بۇدان كەيىن ۇزاق جىلدار بويى مەديسينا سالاسىندا جەمىستى ەڭبەك ەتىپ كەلە جاتقان ءبىرقاتار سالا ۇزدىكتەرىنە اۋدان باسشىسى اتىنان «العىس حات» تابىستادى. سونداي اق شارادا "نۇر وتان" پارتياسىنىڭ ماقتارال اۋداندىق فيليالى ءتوراعاسىنىڭ ءبىرىنشى ورىنباسارى ءا.بايدۇللايەۆ، اۋداندىق ارداگەرلەر كەڭەسىنىڭ ءتوراعاسى ءا.يسايەۆ، اۋداندىق ورتالىق اۋرۋحاناسىنىڭ باس دارىگەرى ا.شنەتوۆ، مىرزاكەنت ورتالىق اۋرۋحاناسىنىڭ باس دارىگەرى ا.ەگەمبەردييەۆ، اتاكەنت ورتالىق اۋرۋحاناسىنىڭ باس دارىگەرى ۇ.جۇرىمبەتوۆا، اسىقاتا ورتالىق اۋرۋحاناسىنىڭ باس دارىگەرى ب.ۋتەۋلييەۆا ارىپتەستەرىن مەرەيلى مەرەكەمەن قۇتتىقتاپ، حالىق دەنساۋلىعىن ساقتاۋ جولىندا تالماي ەڭبەك ەتىپ كەلە جاتقان ءبىر توپ دارىگەرلەر مەن ورتا بۋىن قىزمەتكەرلەرگە وبلىستىق دەنساۋلىق ساقتاۋ باسقارماسى باسشىسىنىڭ «قۇرمەت گراموتاسى» مەن «العىس حاتىن» جانە ءوز اتتارىنان باعالى سىيلىقتار تابىس ەتتى.
ق ر دەنساۋلىق ساقتاۋ مينيسترلىگى اتىنان "ەڭبەك سىڭىرگەنى ءۇشىن" مەدالىمەن ۇزاق جىلدار بويعى عۇمىرىن مەديسينامەن بايلانىستىرعان بولىس قۇدايبەرگەن ۇلى ماراپاتتالدى. سالتاناتتى شارادا وبلىستىق دراما تەاترى ارتىستەرىنىڭ اۋداننىڭ مەديسينا سالاسىنىڭ قىزمەتكەرلەرىنە ارنالعان كونسەرتتىك ءان شاشۋ باعدارلاماسىنا ۇلاستى.
پىكىر قالدىرۋ