قازاقستاندا ۇلتتىق ءبىرىڭعاي تەستىلەۋدە تەست قورىتىندىسىنا كوڭىلى  تولماعان كەز كەلگەن تالاپكەر اپپەلياسياعا بەرە الادى.  تالاپكەردىڭ قانداي جاعدايدا جانە قانشا ۋاقىت ارالىعىندا اپپەلياسياعا بەرە الاتىنى جايىندا ۇلتتىق تەستىلەۋ ورتالىعىنىڭ ديرەكتورى رامازان ءالىمقۇلوۆ بايانداپ بەردى.

تەحنيكالىق قاتەلەر. ەگەر كىتاپشا دۇرىس باسىلماعان بولسا، ياعني تەست ءماتىنى ارالاسىپ كەتكەن جاعدايدا اپپەلياسياعا بەرۋگە بولادى.  ونداي جاعدايدا ءبىتىرۋشى تۇلەك بۇل قاتەلىكتى اپپەلياسيالىق كوميسسيايعا كورسەتۋى كەرەك، ال ولار كىتاپشانى رەسپۋبليكالىق كوميسسياعا جىبەرەدى.  ال كوميسسيا شەشىمىمەن تالاپكەرگە باللدىڭ قوسىلۋ، قوسىلماۋى شەشىلەتىن بولادى.

— تالاپكەر قولىنداعى كىتاپشاسىن اۋديتورياداعى كەزەكشىگە كورسەتىپ، قاتەنىڭ بار ەكەنىن حابارلاۋى كەرەك. ءبىز ءدال سونداي نۇسقا بولسا، كىتاپشانى اۋىستىرىپ بەرەمىز. سەبەبى، ءار نۇسقا ءاربىر تالاپكەرگە ارنالىپ جەكە-جەكە دايىندالادى، - دەيدى ءالامقۇلوۆ.

ال ەگەر تالاپكەر سۇراقتان قاتە بايقاسا، كىتاپشا وزگەرتىلمەيدى.

— ەگەر تالاپكەر سۇراعىنىڭ مازمۇنىندا قاتە بار دەگەن ارىزعا نەگىز بولسا، كىتاپشا رەسپۋبليكالىق كوميسسياعا جىبەرىلەدى.  جەرگىلىكتى اپپەلياسيالىق كوميسسيا باعالاۋشىلاردىڭ اراسىندا بۇل ماسەلەنى الدىن الا  قارايدى. رەسپۋبليكالىق  كوميسسيا ولاردىڭ شەشىمدەرىن قاراعاننان كەيىن تالاپكەرگە بالل قوسۋ، قوسپاۋ تۋرالى شەشىم شىعارادى، - دەدى ۇلتتىق تەستىلەۋ ورتالىعىنىڭ ديرەكتورى.

2018 جىلى تەست سۇراقتارىنىڭ 50 پايىزى جاڭارتىلعان. ءقازىر بازادا 120 مىڭ سۇراق بار. تەست قورىتىندىسىن تەك حابارلاما تاقاسىنان عانا ەمەس بىرنەشە ينتەرنەت-رەسۋرستان، تەلەگرامنان بىلۋگە بولادى.

ايتا كەتەيىك، 2016 جىلى ۇبت تاپسىرۋ بويىنشا ءبىرقاتار وزگەرىس ەنگىزىلدى. قازاقستان حالقىنىڭ تۇرعىندارى جوعارعى ءبىلىم الۋى ءۇشىن تەستتى ەكى رەت تاپسىرا الادى.