سان-فرانسيسكودا Instagram-نىڭ نەگىزىن قالاۋشىلار ءبىر ساعاتتىق ۆيدەولاردى تاماشالاۋعا ارنالعان IGTV قوسىمشاسىن ىسكە قوستى، دەپ حابارلايدى Qamshy.kz اقپارات اگەنتتىگى.
كومپانيانىڭ مالىمدەۋىنشە، بۇل سەرۆيستىڭ ەرەكشەلىگى قولدانۋشى ءوزى جازىلعان ادامداردى ىزدەپ ۋاقىت جۇمسامايدى.
«ءبىز ءبارىن تۇسىنىكتى ەتىپ جاسادىق. تەلەديدار قوسقان كەزدەگىدەي قوسىمشا اشىلعاندا IGTV ۆيدەولاردى دەرەۋ كورسەتە بەرەدى. سىزگە ءوزىڭىز جازىلعان ادامداردى ىزدەپ اۋرە بولۋدىڭ قاجەتى جوق»، - دەلىنگەن حابارلامادا.
سەرۆيس قولدانۋشىلارعا «ءسىز ءۇشىن»، «ءسىز جازىلدىڭىز»، «تانىمالدار»، «كورۋگە ۇسىنىلعان» فۋنكسيالارىن ءوزارا قوسىپ قويۋدى ۇسىنادى. ۆيدەونى تاماشالاعان كەز-كەلگەن ادام پىكىر قالدىرىپ، دوستارىنا direct-كە جىبەرە الادى.
تەلەارناداعىداي IGTV-دا سەرۆيس قولدانۋشىلارى اشقان ءتۇرلى كانالدار بولادى. كومپانيا وكىلدەرىنىڭ ايتۋىنشا ۆيدەولاردى Instagram قوسىمشاسىنان قاراي بەرۋگە بولادى.
قوسىمشا الداعى ۋاقىتتا iOS، Android پايدالانۋشىلارى ءۇشىن قولجەتىمدى بولماق.
سونىمەن قاتار سەرۆيستىڭ پرەزەنتاسياسىندا Instagram- ميلليارد قولدانۋشىسى بار جاھاندىق قوسىمشاعا اينالعانى ءمالىم بولدى.
«ءبىز 2010 جىلدان بەرى قوسىمشانىڭ دامۋى مەن كەڭ قانات جايۋىنا كۋا بولدىق. بۇل ۇلكەن جەتىستىك. سول سەبەپتى بارلىعىڭىزعا كوپ راقمەت»، - دەلىنگەن Instagram بلوگىندا.
