الماتى قالاسى وڭىرلىك كوممۋنيكاسيالار قىزمەتىنىڭ الاڭىندا «قتج – جۇك تاسىمالى» اق –نىڭ «الماتى جۇك تاسىمالى بولىمشەسى» فيليالىنىڭ ديرەكتورى س.جاپاروۆتىڭ قاتىسۋىمەن باسپا ءسوز كونفەرەنسياسى ءوتتى.
سپيكەردىڭ سوزىنشە، قازىرگى ۋاقىتتا «الماتى جۇك تاسىمالى بولىمشەسى» فيليالىنىڭ بارلىق جۇك جونەلتۋشىلەرى (20 مىڭداي) جۇك تيەۋدى جوسپارلاۋدى گۋ-12 (ايلىق جوسپارلاۋ)، گۋ-11 (ون كۇندىك جوسپارلاۋدى) جانە كۇنتىزبەلىك جوسپارلاۋ جۇيەسىندە اۆتوماتتى رەتتەۋدى ەلەكتروندىق تاپسىرىستاردى رەسىمدەۋمەن اسۋ دكر ارقىلى جۇرگىزۋدە. مەملەكەتارالىق تۇيىسپەلىك قوسىندارداعى ەلەكتروندى تاسىمالداۋ قۇجاتتارى اسۋ دكر –دا اۆتوماتتى تۇردە وڭدەلگەنىن اتاپ ءوتۋ قاجەت. كومپانيادا كەلەسى باعدارلامالار ەنگىزىلدى:
-اسۋ ەنەرگوديسپەچەرلىك تارتىم (اسۋ ەدت)، ول ون-لاين رەجيمدە سپۋتنيكتىك كانالدار ارقىلى لوكوموتيۆتەر تۋرالى مالىمەتتەر الۋعا مۇمكىندىك بەرەدى، ونىڭ ىشىندە وتىن شىعىنى تۋرالى دا مالىمەت الۋ مۇمكىندىگى.
-ستانسيا كەزەكشىسىنىڭ اۆتوماتتاندىرىلعان جۇمىس ورنى گيد ۋرال ارقىلى پوەزداردىڭ ورىندالعان قوزعالىس گرافيگىن ەلەكتروندى تۇردە جۇرگىزۋگە مۇمكىندىك بەرەدى.
-اسۋ كەلىسىمدىك جانە كوممەرسيالىق جۇمىسى (اسۋ دكر). قازىرگى ۋاقىتتا اسۋ دكر الماتى جۇك تاسىمالى بولىمشەسىنىڭ بارلىق 31 ستانسياسىندا كەلەسى قىزمەتتەر: گۋ-12، گۋ-11، ەپد، جەتكىزۋ، قايتا باعىتتاۋ، فدۋ-92 جۇزەگە اسىرىلدى.
اسۋ دكر جۇك تاسىمالداۋدى جۇرگىزۋ مەن ۇيىمداستىرۋدا اقپاراتتىق بىرلەسە جۇمىس جاساۋدىڭ جاڭا دەڭگەيىنە وتۋگە مۇمكىندىك بەرەدى. اتالعان تەحنولوگيا كليەنتتەرگە ۇسىنىلاتىن قىزمەتتەر كەشەنىنىڭ ءبىرى بولىپ تابىلادى جانە تاسىمالدى ۇيىمداستىرۋ بويىنشا قتج قىزمەتكەرلەرى جۇمىسىنىڭ تيىمدىلىگىن ارتتىرۋعا كومەك بولادى؛
-ەلەكتروندى تاسىمالداۋ قۇجاتى (ەپد) گۋ-12 جانە گۋ-11 تاپسىرىستارى نەگىزىندە قولدانۋشىنىڭ قاتىسۋىنسىز اۆتوماتتى تۇردە جاسالادى. جۇك جونەلتۋشى تەك قۇجاتتى اشىپ، مالىمەتتەردى ناقتىلاپ، تەكسەرۋگە جىبەرەدى. ەگەر الدىندا تاسىمالداۋ قۇجاتىن رەسىمدەۋگە كليەنت جول ەسەبىمەن ۋاقىتىنىڭ 3-4 ساعاتىن جىبەرسە، قازىرگى ۋاقىتتا حرونومەتراجعا سايكەس تاسىمالداۋ قۇجاتىن رەسىمدەۋ 3-5 مينۋت ارالىعىندا جۇرگىزىلەدى؛
-جۇكتەردى قايتا باعىتتاۋ – جۇك جونەلتۋشى نەمەسە جۇكتى قابىلداۋشى ستانسياعا نەمەسە جول بولىمشەسىنە بارماي-اق تاپسىرىستى اسۋ دكر جۇيەسىندە رەسىمدەيدى، ياعني كليەنتتەردىڭ ۋاقىتى جانە قارجىسى ۇنەمدەلەدى.
گۋ-46 ۆاگونداردى بەرۋ جانە الىپ كەتۋ ۆەدوموستارىنىڭ ءمودۋلىن ەنگىزۋ جۇمىستارى جۇرگىزىلۋدە، ۆاگونداردى كىرمە جولعا بەرۋ/الىپ كەتۋدىڭ ناقتى ۋاقىتىن كورۋ مۇمكىندىگى. «قورعاس-شىعىس قاقپاسى قۇرعاق ەكونميكالىق ايماعى» كومپانياسىنىڭ ماماندارى «نوماد» باعدارلامالىق قامتاماسىز ەتۋ جوباسىن ۇسىنۋدا، ول قۇراماداعى ۆاگون ءنومىرىن اۆتوماتتى تۇردە تانۋعا مۇمكىندىك بەرەدى. قازىرگى ۋاقىتتا «نوماد» جانە اسۋ دكر باعدارلامالارىن ەنگىزۋ جۇمىستارى جۇرگىزىلۋدە، - دەپ باياندادى سارسەبەك دۋانباي ۇلى.
سارسەبەك دۋانباي ۇلىنىڭ ايتۋىنشا، مەملەكەت باسشىسى اعىمداعى جىلدىڭ 10 قاڭتارىنداعى قازاقستاندىقتارعا ارناعان جىل سايىنعى جولداۋىندا ەلىمىزدىڭ «قازاقستان 2050» دامۋ ستراتەگياسى بويىنشا ءبىزدىڭ الدىمىزدا الەمنىڭ وتىز دامىعان ەلىنىڭ قاتارىنا قوسىلۋ ماقساتى تۇرعانىن اتاپ ءوتتى. قازىرگى زامانعى سيفرلىك دامۋدىڭ مۇمكىندىكتەرىن ەسكەرە وتىرىپ، الەمدىك جاڭالىقتاردى قابىلداعان ەلىمىز يننوۆاسيالىق دامۋدىڭ كەشەندى «سيفرلىك قازاقستان» باعدارلاماسىن قابىلدادى. جاڭا جولداۋ «ينتەللەكتۋالدى كولىك جۇيەسىن» جاساۋ ءۇشىن سيفرلىق تەحنولوگيانى اۋقىمدى ەنگىزۋ قاجەتتىلىگىن ايقىندايدى، ول ءۇشىن ءبىز جاڭا ءتورتىنشى ونەركاسىپتىك ريەۆوليۋسياعا بەيىمدەلىپ، ونى تابىستى يگەرۋىمىز قاجەت.
نەگىزگى ون مىندەت انىقتالدى. نەگىزگى ءتورتىنشى مىندەتتىڭ ءبىرى «كولىكتىك-لوگيستيكالىق ينفراقۇرىلىمنىڭ تيىمدىلىگىن ارتتىرۋ». ەلباسى ەكونوميكانى دامىتۋ جانە ەلىمىز بەن حالىقتىڭ ءال-اۋقاتىن ارتتىرۋ ءۇشىن كولىكتىك – لوگيستيكالىق كەشەندى دامىتۋدىڭ جوعارى ماڭىزدىلىعىن اتاپ ءوتتى. ءبىزدىڭ الدىمىزدا 2020 جىلعا دەيىن جىل سايىن ترانزيتتىك تاسىمال تابىسىن 5 ميلليارد دوللارعا جەتكىزۋ مىندەتى تۇر. اتالعان تاپسىرمانى ورىنداۋ ءۇشىن كومپانيامىز «باتىس-شىعىس» جانە «سولتۇستىك - وڭتۇستىك» 4 نەگىزگى باعىت بويىنشا ترانزيتتىك تاسىمالدى ارتتىرۋ جۇمىسىن جالعاستىرا بەرەتىن بولادى.
سيفرلىق تەحنولوگيالاردى اۋقىمدى تۇردە ەنگىزۋ قاجەتتىلىگىن اتاپ ءوتۋ كەرەك. قازىرگى كەزەڭدە باعدارلاۋ باقىلاۋعا قاجەتتى اقپاراتتى قۇرۋ ءۇشىن «blok chain»، بلوكچەين – جۇكتەردىڭ قوزعالىسىن ونلاين رەجيمدە باقىلاۋ جانە توقتاۋسىز ترانزيتتىك، سونداي-اق كەدەندىك وپەراسيالاردى جەڭىلدەتۋ مۇمكىندىگى بار جالعاستى بلوكتار تىزبەسى، تەحنولوگياسى باسىمدىق كورسەتۋدە. تەمىر جول سالاسىن سيفرلەندىرۋدىڭ نەگىزگى باعىتتارى ەلەكتروندى كوممەرسيا، ونەركاسىپتىك ينتەرنەت جانە جوعارى اقپاراتتار تالداۋى،-دەپ اتاپ ءوتتى ول.
پىكىر قالدىرۋ