رەسەيلىك تەننيسشى ەلەنا رىباكينا قازاقستان ازاماتتىعىن الاتىن بولدى، دەپ حابارلايدى vesti.kz. 

قازىرگى ۋاقىتتا 19 جاستاعى تەننيسشى Wتا رەيتينگىندە 191 ساتىدا كەلەدى. ايەلدەر اراسىنداعى ونىڭ ەڭ ۇلكەن جەتىستى 2018 جىلدىڭ اقپان ايىندا سانكت-پەتەربۋرگ قالاسىندا تىركەلدى. بۇل ءتۋرنيردى رىباكينا تيم باچينسكي جانە فرانسيالىق كارولين گارسيا سەكىلدى ۇزدىك 100 تەننيسشىنىڭ قاتارىنا ەنەتىن قارسىلاستى جەڭگەن ەدى. سونداي-اق ول ITF دارەجەسىندەگى ءبىر ءتۋرنيردى جەڭگەن. 

جاسوسپىرىمدەر اراسىندا ول ەكى رەت "ۇلكەن دۋلىعا" ساناتىنداعى تۋرنيرلەردىڭ جارتىلاي فينالىنا جەتتى. تارقاتىپ ايتساق، 2017 جىلى ول اۆستراليا اشىق بىرىنشىلىگى مەن "رولان گارروس" دودالارىنىڭ جارتىلاي فينالىندا ويناعان. 

ەسكە سالايىق، بيىلعى جىلدىڭ مامىن ايىندا قازاقستان ازاماتتىعىن جاسوسپىرىمدەر اراسىندا الەمنىڭ ءبىرىنشى ءنومىرلى تەننيسشىسى بولعان رەسەيلىك تيموفەي سكاتوۆ العان بولاتىن.