الماتىدا تانىمال مۋزىكانت ۆيكتور سويعا «ينە» ءفيلمىنىڭ سوڭعى كادرلارى تۇسىرىلگەن كوشە بويىنان ەسكەرتكىش ورناتىلدى، دەپ حابارلايدى Qamshy.kz اقپارات اگەنتتىگى.

ءانشى ءتىرى بولعاندا بۇگىن 56 جاسقا كەلەر ەدى. اتالمىش ورىنعا روك جۇلدىزىنىڭ ءمۇسىنىن قويۋ وتكەن جىلدىڭ كۇزىندە جوسپارلانعان بولاتىن.

"ۆيكتور سوي ءالى كۇنگە دەيىن ەۋرازياداعى ءنومىرى ءبىرىنشى روك ءانشى سانالادى. ول وزىنە عانا ءتان شىعىستىق كەلبەتىمەن حالىقتىڭ جۇرەگىنەن ورىن الا ءبىلدى. شەتەلدە دە سويدى وسى بەينەسى ارقىلى تانيدى. "ينە" ءفيلمىنىڭ سوڭعى كادرلارى تۇسىرىلگەن مۇقان تولەبايەۆ اتىنداعى كوشەدە انشىگە ارنالعان شاعىن ارحيتەكتۋرالىق ءمۇسىن ورناتىلادى"،- دەگەن بولاتىن كينە­ماتوگرافيالىق ونەر مەن عىلىمدار ۇلتتىق اكادەمياسىنىڭ پرەزيدەنتى راشيد نۇعمانوۆ.

ەسكەرتكىشتىڭ اشىلۋ راسىمىنە الماتى قالاسىنىڭ اكىمى باۋىرجان بايبەك پەن ونەر ادامدارى، قالا تۇرعىندارى قاتىستى.