Facebook الەۋمەتتىك جەلىسىندەگى "ەست پوۆود" پاراقشاسىندا نۇرسۇلتان نازاربايەۆتىڭ نەمەرەسى، داريعا نازاربايەۆانىڭ جالعىز قىزى ۆەنەرانىڭ ۇزاتۋ جانە ۇيلەنۋ تويىنان فوتولار جاريالاندى، دەپ حابارلايدى Qamshy.kz اقپارات اگەنتتىگى.
تويدىڭ فوتوسۋرەتتەرىن نيكيتا باسوۆ، يليا نازارەنكو ەسىمدى فوتوگرافتار تۇسىرگەن.
ەستەرىڭىزگە سالساق، پرەزيدەنت نۇرسۇلتان نازاربايەۆتىڭ نەمەرەسى، داريعا نازاربايەۆانىڭ جالعىز قىزى ۆەنەرا تۇرمىسقا شىقتى.
ۆەنەرا اتاقتى شايجۇنىسوۆتەر اۋلەتىنىڭ ۇرپاعى دالەنمەن نەكەلەستى. دالەن الماتىدا تۋىپ ءوستى، ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتىن بىتىرگەن. ۆەنەرا – قازىرگى تاڭدا ستۋدەنت، اناسى داريعا نازاربايەۆا باستاعان قايىرىمدىلىق اكسيالارىمەن اينالىسادى.
توي الماتىداعى Ritz-Carlton قوناق ءۇيىنىڭ سالتانات سارايىندا ءوتتى. شاراعا جاستاردىڭ ەڭ جاقىن تۋىستارى مەن دوستارى جينالدى. ەلباسى مەن قازاقستان رەسپۋبليكاسىنىڭ ءبىرىنشى حانىمى دالەن مەن ۆەنەراعا اق باتالارىن بەرىپ، باقىتتى وتباسىلىق ءومىر جولىندا ساتتىلىك تىلەدى.
