حرومتاۋ قالاسىنىڭ مىڭداعان تۇرعىندارى ءدوڭ تاۋ-كەن بايىتۋ كومبيناتىنىڭ 80 جىلدىعىن اتاپ ءوتتى. قالا قۇراۋشى كاسىپورىننىڭ مەرەيتويىنا وراي «كەنشى» ستاديونىندا ينتەراكتيۆتى بۇقارالىق قويىلىمدى وراسان زور شوۋ ءوتتى. كاسىپورىننىڭ ۇزدىك قىزمەتكەرلەرىن قۇتتىقتاپ، قازاقستان مەن رەسەيدىڭ تانىمال ورىنداۋشىلارى ونەر كورسەتتى.

مەرەيتويدى مەرەكەلەۋ اياسىندا اقتوبە وبلىسىنىڭ اكىمى بەردىبەك ساپاربايەۆ پەن ERG مەنەدجەرلەر كەڭەسىنىڭ ءتوراعاسى حرومتاۋ قالاسىندا ءدوڭ تاۋ-كەن بايىتۋ كومبيناتىنىڭ قىزمەتكەرلەرى ءۇشىن سالىنعان 120 پاتەرلى جاڭا ۇيگە باردى.

- ءاربىر ادام ءۇشىن ءوز باسپاناسى بولعانى ماڭىزدى. سوندىقتان، پرەزيدەنتىمىز نۇرسۇلتان نازاربايەۆ باسقارعان ەلىمىز ءاربىر قازاقستاندىقتى باسپانامەن قامتاماسىز ەتۋدىڭ كوپتەگەن باعدارلاماسىن جۇزەگە اسىرۋدا. سونىڭ ىشىندە، مەملەكەتتىك باعدارلامالاردىڭ ارقاسىندا «قازحروم» سىندى كومپانيالار ءوز قىزمەتكەرلەرىنە تۇرعىن ۇيلەر سالىپ جاتىر. ەلوردامىزدىڭ 20 جىلدىعىمەن جانە ءدوڭ تاۋ-كەن بايىتۋ كومبيناتىنىڭ80 جىلدىعىمەن تۇسپا-تۇس كەلگەن قونىستوي ەكى ەسە قۋانىش اكەلەرىنە سەنىمدىمىن. ءار ۇيگە جىلۋلىق، جايلىلىق پەن اماندىق تىلەيمىن، - دەدى قۇتتىقتاۋ سوزىندە وبلىس اكىمى.

بەس قاباتتى ءۇي حرومتاۋدىڭ تىرشىلىك قايناعان اۋدانىندا تۇرعىزىلعان. وعان جاقىن اۋماقتار اباتتاندىرىلعان، اۋلادا بالالار الاڭى بار. پاتەرلەر تازا ارلەۋدە بەرىلىپ جاتىر، اس ءۇي پەشتەرى مەن سانتەحنيكاسى ورناتىلعان.ءدوڭ تاۋ-كەن بايىتۋ كومبيناتى قىزمەتكەرلەرى ءۇشىن جاڭادان سالىنعان ءۇيدىڭ ءبىر شارشى مەترى 118 مىڭ تەڭگەگە جۋىق. ەۋرازيالىق توپتىڭ تۇرعىن ءۇي باعدارلاماسىمەن پاتەرلەردى 20 جىلعا دەيىن تومەن پايىزدىق مولشەرلەمەمەن ساتىپ الۋ قۇقىعىمەن جالعا بەرۋ قاراستىرىلعان. بۇل ەلباسىنىڭ «نۇرلى جەر» باعدارلاماسى مەن قازاقستاندىق يپوتەكالىق كومپانيامەن كەلىسىمگە قول قويۋدىڭ ارقاسىندا مۇمكىن بولدى.

ERG مەنەدجەرلەر كەڭەسىنىڭ ءتوراعاسى كومبيناتتىڭ بەس جاس مامانىنا پاتەر الۋعا سەرتيفيكاتتار تابىس ەتتى.

- مەن حرومتاۋعا العاش رەت 24 جىل بۇرىن كەلگەن ەدىم. سودان بەرى قالا پرەزيدەنتىمىزدىڭ ارقاسىندا وزگەرىپ كەتكەن. 24 جىل ەمەس، 100 جىل وتكەندەي. بۇگىن مەن جاڭا ءۇيدىڭ اشىلۋىنا قاتىسقانىمىز ءۇشىن شەكسىز قۋانىشتىمىن. ءبىز بۇل ءىستى جالعاستىرامىز، ويتكەنى الەۋمەتتىك احۋال، كوڭىل-كۇي، قىزمەتكەرلەردى باسپانامەن قامتاماسىز ەتۋ وتە ماڭىزدى بولىپ تابىلادى، - دەدى الەكساندر ماشكيەۆيچ.

ERGء-نىڭ تۇرعىن ءۇي باعدارلاماسىن جۇزەگە اسىرۋ كەزەڭى ىشىندە حرومتاۋدا دتكبك-نىڭ 500-گە جۋىق قىزمەتكەرى باسپانالى بولدى.

نەگىزگى سالتاناتتى شارا «كەنشى» ستاديونىندا ءوتتى. شارادتكبك-نىڭ 80 جىل ىشىندەگى جەتىستىكتەرى تۋرالى بايانداعان ادەمى ينتەراكتيۆتى شوۋدان باستالدى. ساحنا تورىندە ۇزدىك جۇمىسشىلار ماراپاتتالىپ، وبلىس اكىمىنىڭ ماقتاۋ قاعازدارىن، كورپوراتيۆتىك ماراپاتتاردى يەلەندى.

 ون قىزمەتكەرگە اۆتوولىكتىڭ كىلتتەرىن تابىس ەتتى.

قازاقستاندىق ەسترادا جۇلدىزى قايرات نۇرتاستىڭ ءدوڭ تاۋ-كەن بايىتۋ كومبيناتى قىزمەتكەرلەرىنىڭ بالالارىمەن بىرگە ونەر كورسەتۋى توسىنسىي بولدى. كەش رەسەيلىك «سەرەبرو» توبىنىڭ ونەرىمەن جانە مەرەكەلىك وت-شاشۋمەن اياقتالدى.

ايتا كەتەيىك، ءدوڭ تاۋ-كەن بايىتۋ كومبيناتىنىڭ 80 جىلدىق جۇمىسىندا 208 000 000 توننادان استام حروم رۋداسى وندىرىلگەن. بۇل ۇزىندىعى 41 600 شاقىرىمدىق تەمىرجول قۇرامىنا تەڭ، ياعني جەر ەكۆاتورىنىڭ ۇزىندىعىنان كوپ.