قازاقتى «اسپانعا قاراتقان» ءانشى اباي بەگەي جۋىردا ەكىنشى رەت شاڭىراق كوتەرگەن ەدى. جەلىدە ءانشىنىڭ تويىنان سۋرەتتەر ءوربىپ ءجۇردى. باقىت تىلەگەندەرمەن قاتار وزىنەن 16 جاس كىشى قىزدى جار ەتىپ العان اباي بەگەيدى سىناعانداردىڭ قاتارى كوپ بولدى. تويى وتكەننەن كەيىن بىرنەشە كۇننەن سوڭ ءانشى حالىقتىڭ سىنىنا جاۋاپ بەردى، دەپ جازادى Qamshy.kz اقپارات اگەنتتىگى.

«مەن جايىندا، مەنىڭ وتباسىم جايىندا ءبىراز اڭگىمەلەر بولىپ جاتىر ەكەن. جاقسى تىلەك بىلدىرۋشىلەرگە اللا رازى بولسىن»، - دەپ باستاعان ءانشى تەرىس پىكىر جازۋشىلارعا ءمان-جايدى اشىپ ايتىپ بەرۋدى ءجون سانادى.

«ءۇش جىل بۇرىن انام، تۋعان اعام، جان جارىم دۇنيەدەن ءوتىپ، ءبىراز ۋاقىت ەسەڭگىرەپ قالعان ەدىم. كينالدىم، قايعىردىم، قاجىدى. "جالعىزدىق قۇدايعا عانا جاراسقان" دەۋشىلەر كوپ بولسا دا ۇيلەنۋدەن باس تارتىپ ءجۇردىم. سەبەبى، قىزدارىم مەن ۇلىمنىڭ جۇرەگىنە اۋىر جارا سالۋدان قورىقتىم. ەشكىمدە انانىڭ ورنىنا انا بولا الماسىن ءتۇسىندىم»، - دەپ جازدى ءانشى Instagram-داعى پاراقشاسىندا.

ءانشى ۇيلەنۋ تۋرالى ويدى شەت شىعارىپ قويعانىمەن وتباسىنىڭ ۇيىتقىسى مەن بەرەكەسى بولار جاننىڭ قاجەت ەكەنىن تۇسىنەدى.

«تۇڭعىشىم قۇتتى ورنىنا قوندى، ۇزاتىلدى شۇكىر. ناعاشىلارىنا العىسىم شەكسىز. ۇلىما انانىڭ ماحابباتىن بەرە الماسام دا اكەلىك جول كورسەتىپ، جاقسى ازامات بولارىنا ۇلەس قوسا الارمىن. ال، كىشكەنتاي قوس قارلىعاشىما دۇرىس باعىت-باعدار، تاربيە بەرۋ ءۇشىن انانىڭ ورنىن باسا الماسا دا، قۇربىداي سىرلاس ايەل كەرەك. ويتكەنى 10 جاستان باستاپ اكەسىنە ايتا المايتىن قىزداردىڭ قۇپيا-سىرلارى باستالاتىنى انىق قوي. وتپەلى جانە ءجاسوسپىرىم شاعىندا جانىندا تابىلىپ، سىرلاساتىن، قولدايتىن يماندى جار ىزدەدىم»، - دەپ جازدى ول.

بۇعان قوسا، اباي بەگەيدىڭ اناسى مەن اكەسىنىڭ جاس ارالىعى 16 جاس ەكەن.

«جاس قىزعا ۇيلەندى دەپ سوگۋ دە ورىنسىز. سەبەبى، كىمنىڭ كىمگە جۇپ بولاتىنىن ءبىز انامىزدىڭ ىشىندە جاتقان كەزدە-اق اللا تاعدىرىمىزعا جازىپ قويعان. ەكى ادامدى كەزدەستىرەتىن دە، توعىستىراتىن دا – اللا. تويدى باي، تانىمال نەمەسە اقشامىز اسىپ-تاسىعاننان ەمەس، شاريعات بويىنشا جاريالاۋ ماقساتىندا جاسادىق. ومىردەگى، ونەردەگى تەك جاقىندارىمدى جينادىم»، - دەپ جازدى اباي بەگەي.

ءسوز سوڭىندا وتباسىنا باقىت تىلەپ، جاقسى تىلەكتەرىن جاۋدىرعان وقىرماندارى مەن جاقىندارىنا العىس ءبىلدىردى.

«مەن ءبىر ايەلدىڭ ۇستىنە ءبىر ايەل الىپ نەمەسە ءبىرىنشى وتباسىمدى تاستاپ كەتىپ، ەكىنشى رەت ۇيلەنىپ وتىرعان جوقپىن. بۇل -تاعدىر»، - دەپ ءسوزىن قورىتىندىلادى ءانشى.

ايتا كەتەيىك، وسىدان ءۇش جىل بۇرىن اباي بەگەي جانات ەسىمدى جۇبايىنان ايىرىلعان. قازىرگى جارى وزىنەن 16 جاس كىشى.