اقتوبە وبلىسىندا «باقىتتى بالا» جوباسىن جۇزەگە اسىرۋ جالعاسىپ جاتىر.

سونىڭ اياسىندا بالالىق شاقتى قولداۋ جانە بالالاردى دامىتۋدىڭ تەڭدەسى جوق شارالارى قابىلدانۋدا. سونىڭ ىشىندە اتا-انا قامقورىنسىز قالعان جەتىم بالالاردى باسپانامەن قامتاماسىز ەتۋ جۇمىستارى كۇشەيتىلدى. وسى ماقساتتا جىل باسىنان بەرى بالالاردىڭ تقجب-دەگى جيناق شوتتارى 71،2 ميلليون تەڭگەگە تولىقتى. وتىز جەتىم بالانىڭ ەندىگى ءوز باسپانالارى بار.

4 شىلدە، سارسەنبى كۇنى استانانىڭ مەرەيتويى مەن ءدوڭ تاۋ-كەن بايىتۋ كومبيناتىنىڭ 80 جىلدىعىن مەرەكەلەۋگە وراي تاعى 12 ملن تەڭگە حرومتاۋ اۋدانىندا قامقورشىسىمەن بىرگە تۇرىپ جاتقان سەگىز بالانىڭ شوتىنا اۋدارىلدى.

بالالارعا سەرتيفيكاتتاردى اقتوبە وبلىسىنىڭ اكىمى بەردىبەك ساپاربايەۆ پەنERG مەنەدجەرلەر كەڭەسىنىڭ ءتوراعاسى الەكساندر ماشكيەۆيچ تاپسىردى.

- ءبىزدىڭ بولاشاعىمىز – بالالار. كەز كەلگەن قوعامدا، كەز كەلگەن مەملەكەتتە ولارعا كوپ كوڭىل بولىنەدى. 27 جىلدىڭ ىشىندە پرەزيدەنتىمىز نۇرسۇلتان نازاربايەۆ قازاقستاندىق جاستاردىڭ لايىقتى ءبىلىم الىپ، مادەني دەڭگەيى، ءبىلىمى، دەنساۋلىعى جونىنەن وزگە ەلدەردەگى قاتارلاستارىنان قالماس ءۇشىن بارلىعىن جاسادى. نازاربايەۆ زياتكەرلىك مەكتەبىن، نازاربايەۆ ۋنيۆەرسيتەتىن اشۋ، «بولاشاق» باعدارلاماسى – وسىنىڭ ءبارى بالالارىمىز ءۇشىن، - دەپ اتاپ ءوتتى وبلىس اكىمى ءوزىنىڭ قۇتتتىقتاۋ سوزىندە.

بەردىبەك ساپاربايەۆ سونداي-اق، ERG اتىنان كەلگەن الەكساندرماشكيەۆيچكە الەۋمەتتىك جاۋاپكەرشىلىگى ءۇشىن العىس ايتتى. ول «قازحروم» تۇك» اق قاراجاتى ەسەبىنەن اقتوبەدە تۇڭعىش رەت شىعارماشىلىق اكادەمياسى تۇرعىزىلعانىن ەسكە سالدى، بۇگىندە 7 مىڭعا جۋىق اقتوبەلىك بالا ءتۇرلى سەكسيالار مەن ۇيىرمەلەرگە بارىپ ءجۇر.

بۇدان كەيىن ءوڭىر باسشىسى مەن «ەۋرازيالىق توپ» مەنەدجەرلەرى كەڭەسىنىڭ ءتوراعاسى قايتا جاڭعىرتىلعان «كەنشى» اللەياسىنىڭ اشىلۋىنا قاتىستى. اللەيانىڭ باستى كوركى جاڭارتىلعان ەكى سۋبۇرقاق بولدى. قۇنى 42، 9 ملن تەڭگە بولاتىن جۇمىستار «تۋعان جەرگە تاعزىم» اكسياسى اياسىندا ورىندالعان.

- بۇگىن مەن وسىندا بىرنەشە سەبەپ بويىنشا بولعانىما وتە قۋانىشتىمىن، الدىمەن ءبىز ەلوردامىز استانانىڭ 20 جىلدىعى مەن دۇنيە ءجۇزىن حروم رۋداسىمەن قامتاماسىز ەتىپ وتىرعان ءدوڭ تاۋ-كەن بايىتۋ كومبيناتىنىڭ 80 جىلدىعىن اتاپ وتۋدەمىز. ەلىمىزدىڭ قالاي وزگەرىپ، نىعايىپ كەلە جاتقانىنا، اقتوبە وبلىسىنىڭ، حرومتاۋدىڭ قالاي وزگەرگەنىنە قاراڭىز. ەلباسىمىزعا راحمەت، وسى وزگەرىستەردىڭ بارلىعى دا سونىڭ ارقاسىندا، ەلدى العا جەتەلەپ كەلە جاتقان سول، - دەپ اتاپ ءوتتى الەكساندر ماشكيەۆيچ اللەيانىڭ اشىلۋ سالتاناتىندا.

- 24 جىل بۇرىن حرومتاۋعا كەلگەنىم ەسىمدە. ول كەزدە باسقا قالا بولاتىن. ال بۇگىن ءبىز حرومتاۋدا 120 پاتەرلى جاڭا ءۇيدى پايدالانۋعا بەردىك، ءدوڭ اۋىلىنداعى جاڭا مەكتەپتىڭ اشىلۋىندا بولدىق، جانە ءبىر ايتقىم كەلەتىنى: ءبىز وقىعان كەزدە ءتىپتى الماتىنىڭ ۇزدىك اۋداندارىندا دا مۇنداي مەكتەپ بولماعان، - دەدى ERG مەنەدجەرلەرى كەڭەسىنىڭ ءتوراعاسى ءسوزىن جالعاستىرىپ.

وسىندا اللەيادا بەردىبەك ساپاربايەۆ پەن الەكساندر ماشكيەۆيچ «باقىتتى بالا» بالالار سۋرەتتەرىنىڭ كورمەسىن قاراپ شىقتى. دتكبك قىزمەتكەرلەرىنىڭ بالالارى قاتارىنداعى جاس سۋرەتشىلەر 30 كارتينانى ۇسىندى. كاسىپورىننىڭ كوپ بالالى التى وتباسىنا نوۋتبۋكتەر تارتۋ ەتىلدى.

بۇدان باسقا، وبلىس اكىمى مەن ERG مەنەدجەرلەر كەڭەسىنىڭ ءتوراعاسى حرومتاۋ اۋدانىنا ساپارى كەزىندە حرومتاۋ قالاسىنداعى «كەنشى» ورتالىق ستاديونىنىڭ تۇرمىستىق كورپۋسىنىڭ قۇرىلىس بارىسىمەن تانىستى. قۇرىلىس جۇمىستارىن ءدوڭ كبك قارجىلاندىرادى. سونداي-اق، بيىل وبلىس اكىمدىگى مەن «ەۋرازيالىق توپتار» اراسىنداعى الەۋمەتتىك جاۋاپكەرشىلىك تۋرالى مەموراندۋم اياسىندا «كەنشى» ستاديونىنىڭ ءوزى دە ايتارلىقتاي جاڭعىرتىلماق. كۇردەلى جوندەۋ جۇمىستارى كەزىندە ستاديونعا فۋتبول ويناۋ ءۇشىن زاماناۋي جاساندى جابىندى توسەلەدى، دىبىس جۇيەسى مەن Led-ەكراندار ورناتىلادى. وسى ماقساتقا 2018 جىلى 200 ملنتەڭگە اۋدارىلادى. وسى جوبالاردى جۇزەگە اسىرۋدىڭ ارقاسىندا ءبىرىنشى ليگانىڭ «اقتوبە-جاس» فۋتبول كومانداسى تولىققاندى جەكە جاتتىعۋ بازاسىنا يە بولادى.