Zakon.kz رەداكسياسىنا الماتىلىق قىز حابارلاسىپ، اۆتوبۋستا ءوزىنىڭ سوققىعا جىعىلعانىن ايتقان. ونىڭ ايتۋىنشا، ول جول اقىسىن تولەگەننەن كەيىن بيلەت تالاپ ەتكەنى ءۇشىن سوققىعا جىعىلعان، دەپ جازادى Qamshy.kz اقپارات اگەنتتىگى. 

جابىرلەنۋشى اۆتوبۋستا وڭاي كارتاسىندا اقشا ءبىتىپ قالعانىن كورگەننەن كەيىن جول اقىسىن جۇرگىزۋشىگە بەرەدى، الايدا جۇرگىزۋشى بيلەت بەرۋدەن باس تارتقان.

«بۇل جاعداي جەكسەنبى كۇنى ساعات ەكىلەر شاماسىندا بولدى. كەشە نازاربايەۆ پەن تولە بي كوشەلەرىنىڭ قيىلىسىنداعى ايالدامادان №79 اۆتوبۋسقا وتىردىم. كارتادا اقشا ءبىتىپ قالعانىن كورگەننەن كەيىن اۆتوبۋس جۇرگىزۋشىسىنە 200 تەڭگە تولەدىم. وسىدان كەيىن بيلەت بەرۋىن سۇراپ ەدىم، ەشكىمگە بيلەت بەرىلمەگەنىن ايتتى. جۇرگىزۋشىنىڭ سوزىنە سەنبەدىم. سمس ارقىلى جول اقىسىن تولەۋگە بولاتىنى ەسىمە ءتۇسىپ، اقشانى قايتارىپ بەرۋىن سۇرادىم. مەن حابارلاما جىبەردىم، ءبىراق تەحنيكالىق اقاۋلارعا بايلانىستى جول اقىسى الىنبادى. جۇرگىزۋشىدەن كومەك سۇراپ ەدىم، دورەكى تۇردە جاۋاپ بەردى دە اقشانى بەرۋدى سۇرادى. سول كەزدە «بيلەت بەرەسىز بە؟» دەپ تاعى سۇرادىم. ول بەرمەيتىنىن ايتىپ، بۇدان بىلاي وعان مۇلدە سويلەمەۋگە كەڭەس بەردى» دەيدى ي.اقبەرگەنوۆا.

وسىدان كەيىن جولاۋشى Green Bus Company اۆتوپاركىنە قوڭىراۋ شالعان، ءبىراق ەشكىم تەلەفوندى كوتەرمەگەن. وسىدان كەيىن كونتروللەر ايەلدىڭ قولىنان تەلەفوندى جۇلىپ الىپ، سالونعا لاقتىرىپ جىبەرگەن.

«Green Bus-قا قوڭىراۋ شالدىم. تەلەفون ءسوندىرۋلى بولدى. ينتەرنەتتە باسقا نومەرلەردى ىزدەي باستادىم. كوندۋكتور كىردى. وعان ءمان-جايدى تۇسىندىرە باستاپ ەدىم، مۇگەدەك ەكەنىمە قاراماستان قولىمنان ۇستاپ سىلكىلەپ، جول اقىسىن تولەۋىمدى تالاپ ەتتى. قولىمدى جىبەرۋىمدى ءوتىنىپ، نەلىكتەن بۇلاي جاساپ جاتقانىن سۇرادىم. ول مەنىڭ ءسوزىمدى پىسقىرمادى دا. ونىڭ بەيدجيگىن سۋرەتكە ءتۇسىرۋ ءۇشىن تەلەفونىمدى شىعارىپ ەدىم، تەلەفونىمدى قولىمنان جۇلىپ الىپ لاقتىرىپ جىبەردى. سومكەمدى جۇلقىلاي باستادى. ول اۆتوبۋستان شىعىپ نەمەسە ايىپپۇل تولەۋىمدى تالاپ ەتكەن جوق. مەنىڭ بار كىنام تولەم نەگە وتپەي جاتقانى مەن بيلەت نەلىكتەن بەرىلمەگەنىن سۇراعانىم. ول ءوزىن وتە دورەكى ۇستادى. سومكەمدى جىرتۋعا ءسال-اق قالدى. وسىدان كەيىن ول اباي مەن سەيفۋللين كوشەلەرىنىڭ قيىلىسىندا ءتۇسىپ قالدى»، دەيدى جولاۋشى.

الماتىلىق قىز پوليسياعا شاعىم ءتۇسىردى. اۆتوبۋستان شىعا سالا ايەل جاراقاتىن ءتۇسىرىپ، جاقىن ماڭداعى اۋرۋحاناعا باردى. بولعان جاعدايعا قاراماستان اقبەرگەنوۆا كونتروللەردى جۇمىستان شىعارۋىن تالاپ ەتپەيمىن دەپ وتىر.

«كومپانيادان مۇنداي جاعداي ەكىنشى مارتە قايتالانباۋى ءۇشىن ارنايى شارا قولدانۋىن سۇرايمىن. كونتروللەردى جۇمىستان شىعارعاننان ماسەلە شەشىلمەيدى. ولار ادەپتىلىكتى ساقتاۋ كەرەك قوي» دەدى الماتى تۇرعىنى.