ۇيىمداستىرۋشىلاردىڭ ايتۋىنشا، كونفەرەنسيانىڭ باستى ماقساتى – ماماندار مەن ازاماتتىق قوعام وكىلدەرىنىڭ اراسىندا ەكى تاراپقا دا پايدالى اقپارات الماسۋ جانە اتالمىش تاقىرىپتارعا قاتىستى ەڭ ۇزدىك تاجىريبەلەرمەن تانىسۋعا ارنالعان ديالوگ الاڭىن جاساۋ بولعان.
⠀
«ءبىز بۇل كونفەرەنسيا قاراپايىم حالىق، حالىقارالىق ۇيىمدار، مەملەكەتتىك قۇرىلىمدار مەن يۋنەسكو كلۋبتارى اراسىنداعىحالىقارالىق كەلىسىم مەن مادەنيەت ارالىق ديالوگتى ورناتاتىن كوپىرگە جانە ونى وربىتەتىن ورىنعا اينالادى دەپ ۇمىتتەنەمىز. قازاقستاننىڭ تۇڭعىش پرەزيدەنتى – ەلباسى قورىنىڭ قىزمەتى مەن ماقساتى قوعامدىق ماڭىزى بار الەۋمەتتىك، عىلىم، IT مەن ونەرگە باعىتتالعان جوبالاردى، جانە دە ساياسات، ەكونوميكا، حالىقارالىق قاتىناستارعا بايلانىستى ديالوگ پلاتفورمالارىن دامىتۋعا دەگەن باعىتىن ەسكەرسەك، يۋنەسكو سەكىلدى ۇلكەن حالىقارالىق ۇيىممەن بىرىگىپ جۇمىس جاساۋ ءبىزدىڭ ماقساتتارىمىزدى ىسكە اسىرۋداعى ۇلكەن قادام. اتالمىش ءىس-شارانىڭ ءوتۋى يۋنەسكو-عا مۇشە مەملەكەتتەردى مادەنيەتتەردى جاقىنداستىرۋ مەن ءوز ەلدەرىندەگى بەيبىتشىلىكتى ورناتۋعا جۇمسالاتىن كۇشتەردى بىرىكتىرۋگە شاقىرۋدىڭ ءبىر بەلگىسى بولادى» - دەدى كونفەرەنسيا ۇيىمداستىرۋشىسى – ق ر تۇڭعىش پرەزيدەنتى – ەلباسى قورىنىڭ حالىقارالىق ءبولىمىنىڭ باسشىسى – الكەي مارعۇلان ۇلى.
⠀
كونفەرەنسيانىڭ نەگىزگى مىندەتتەرى – مادەنيەتارالىق ديالوگتى قولداۋداعى ەڭ ۇزدىك تاجىريبەلەردى انىقتاۋ، تۇراقتى دامۋ جانە بيىك وكىلدەرى، جاستار جانە حالىقارالىق ۇيىمداردىڭ ەكسپەرتتەرى اراسىنداعى تۇسىنۋشىلىكتى دامىتۋعا ارنالعان پلاتفورما جاساۋ جانە استانا قالاسىنىڭ دامۋى ۇلگىسىندە حالىقارالىق قاتىسۋشىلارعا رۋحاني جاڭعىرۋ باعدارلاماسىن تانىستىرۋ.

كونفەرەنسيا جۇمىسىنىڭ ناتيجەسىندە ۇسىنىستار جاسالىپ، قازاقستاننىڭ حالىقارالىق ساحناداعى بەيبىتشىلىك پەن كەلىسىم ورتالىعى رەتىندەگى ءرولىن راستاۋ، تۇراقتى دامۋ ماقساتتارىنا جەتۋ ءۇشىن يۋنەسكو كلۋبتارىنىڭ دامۋ باعىتتارىن انىقتاۋ، سونىمەن قاتار قازاقستان مەن ازيا-تىنىق مۇحيتى ايماعى جاستارىنىڭ كوشباسشىلىق قاسيەتتەرىن دامىتۋ كۇتىلەدى.

سونىمەن قاتار كونفەرەنسيا قاتىسۋشىلارىنا جانە ەلوردا قوناقتارىنا ارنالىپ قازاق حالقىنىڭ مادەنيەتى مەن استانانىڭ كورىكتى جەرلەرىمەن تانىسۋعا ارنالعان تولىققاندى مادەني باعدارلاما ۇيىمداستىرىلدى. كونفەرەنسيانىڭ ەكىنشى كۇنى – 3 شىلدە كۇنى ق ر تۇڭعىش پرەزيدەنتى – ەلباسى قورىمەن بىرگە ۇيىمداستىرىلعان يۋنەسكو قاراماعىنداعى «The Planet of ART» حالىقارالىق فەستيۆالىنىڭ سالتاناتتى جابىلۋ كەشى وتەدى.

اتالمىش الاڭدى ۇيىمداستىرۋ باستاماسىن ق ر سىرتقى ىستەر مينيسترلىگى، ق ر مادەنيەت جانە سپورت مينيسترلىگى، يۋنەسكو جانە يسەسكو ىستەرى جونىندەگى ق ر ۇلتتىق كوميسسياسى، قازاق عىلىمي-زەرتتەۋ مادەنيەت ينستيتۋتى جانە حالىقارالىق ۇيىمدار جانە بيزنەس قوعام قاتارىنان باسقا دا سەرىكتەستەر قولدادى.