«اقكەنت» تۇرعىن ءۇي كەشەنى جانىندا اعاشتىڭ تۇبىنەن اۋىر حالدە تابىلعان 4 جاستاعى مۇحاممەد اسكاروعلى ەسىمدى بالانى ءوز اكەسى باسىنان تاسپەن ۇرىپ، اعاشتىڭ تۇبىنە تاستاپ كەتكەنى تۋرالى اقپاراتتى ەستىگەن مۇرات اسقاروعلىنىڭ تۋىستارى مەن كورشىلەرى نارازىلىق ءبىلدىردى. ولار تەرگەۋ جۇمىستارىنىڭ قورىتىندىسىنا سەنبەيتىنىن جەتكىزدى، دەپ حابارلايدى tengrinews.kz.

الماتى قالالىق ءىىد-نىڭ باسپا ءسوز حاتشىسى سالتانات ازىربەك نارازىلىق اكسياسى وتكەن جەرگە ءىىد بارىپ، ءمان-جايدى تۇسىندىرگەننەن كەيىن بارلىعى بەيبىت تۇردە تارقاسقانىن ايتادى. ەشقانداي ءتارتىپ بۇزۋشىلىق بولماعان.

الماتى قالالىق ءىد-نىڭ مالىمەتىنە سايكەس، 4 جاستاعى مۇحاممەد جاتقان توسەنىش بالا تابىلعان ايماقتا تۇراتىن ايەلگە تيەسىلى. ادامدار مۇحاممەدتى كورگەندە ايەل ۇيىنەن توسەنىشتى الىپ كەلگەن.

ەستەرىڭىزگە سالا كەتەيىك، كولىك قاعىپ كەتتى دەگەن بالانى اكەسى تاسپەن ۇرىپ جاراقاتتاعانى انىقتالعان. مۇحاممەدتىڭ اكەسى كىنانى مويىندادى.