بۇگىن استانادا ەرەكشە قاجەتتىلىگى بار ادامداردىڭ قاتىسۋىمەن «سپورت بەز گرانيس» جوباسىنىڭ شەڭبەرىندە «Blind Race Astana –Paris»  وزگەشە ۆەلومارافونى باستالدى.

ۆەلومارافوننىڭ وزگەشەلىگى – كوزى ناشار كورەتىن جانە زاعيپ جانداردان قۇرالعان كوماندانىڭ 5000 شاقىرىمنان استام اراقاشىقتىقتى ءجۇرىپ ءوتۋى بولىپ تابىلادى. جوبا قاتىسۋشىلارى 2018 جىلعى قىركۇيەكتىڭ ورتاسىندا ۆەلوجارىستىڭ وتانى - پاريج قالاسىندا مارەگە جەتۋدى جوسپارلاپ وتىر.

ۆەلومارافونعا بارلىعى 15 ۆەلوسيپەدشى قاتىسادى.                          ولار: باحتيار بازاربەكوۆ، كەنجەگۇل سەيتجان، مۋسريات ەلىباكييەۆ، دانيار بازاربەك، مۇرات ايتجانوۆ، كانات ەرمەك-ۇلى، يلياس فاتكۋلين.

حالىقارالىق ۆەلوجارىستىڭ سالتاناتتى باستالۋىندا                             ق ر قوعامدىق دامۋ ىستەرى ۆيسە-مينيسترى بەرى ارىن ءسوز سويلەدى.                      ول مۇمكىندىگى شەكتەۋلى جانداردى الەۋمەتتەندىرۋدىڭ، تۇرعىندار اراسىندا سالاۋاتتى ءومىر سالتىن ناسيحاتتاۋ مەن ۆەلوسيپەد سپورتىن دامىتۋدىڭ ماڭىزدىلىعىن اتاپ ءوتتى.

ۆيسە-مينيستردىڭ ايتۋىنشا، بۇل جوبا ماڭىزدى ميسسيا – مۇگەدەكتىگى بار تۇلعالارعا تەڭ جانە باسەكەگە قابىلەتتى جاعداۋ جاساۋدى ناسيحاتتايدى.

ۆيسە-مينيستر «استانا-پاريج» ۆەلومارافونى تەك قانا مەملەكەتتى ەمەس، سونىمەن بىرگە مۇمكىندىگى شەكتەۋلى جانداردى بىرىكتىرەتىن وزگەشە باستاما بولىپ تابىلاتىندىعىن دا ايتتى.

ۆەلومارافوننىڭ ۇيىمداستىرۋشىسى، «سپورت بەز گرانيس» جوباسىنىڭ جەتەكشىسى باحتيار بازاربەكوۆتىڭ ايتۋىنشا، مارافوننىڭ ماقساتى سالاۋاتتى جانە ءپوزيتيۆتى ءومىر سالتىن ناسيحاتتاۋ، ۆەلوسيپەدتى ەكولوگيالىق تازا كولىك رەتىندە تانىتۋ، سونىمەن قوسا ەكوتۋريزمدى دامىتۋ، ەرەكشە قاجەتتىلىككە مۇقتاج جاندار اراسىندا سپورتتى دامىتۋ ءۇشىن جاعداي جاساۋ، جاستاردى پاتريوتتىق تاربيەلەۋ بولىپ تابىلادى.

ۆەلومارافون 6 مەملەكەتتە – قازاقستان، رەسەي، بەلورۋس، پولشا، گەرمانيا، فرانسيادا جانە 30 قالادا ءوتىپ، جەر شارىنىڭ ەكى بولىگىن بىرىكتىرەدى.جوبانىڭ ميسسياسىن ىلگەرىلەتۋ، دوستىق قارىم-قاتىناستى دامىتۋ جانە تاجىريبە الماسۋ ماقساتىندا 11 ءىرى قالادا قاۋىمداستىق وكىلدەرىمەن، ەرەكشە قاجەتتىلىككە مۇقتاج جاندارمەن، سپورتشىلارمەن، ب ا ق وكىلدەرىمەن كەزدەسۋلەر وتكىزىلەدى.

بۇل ءۇشىنشى اۋقىمدى جوبا بولىپ تابىلادى، العاشقى ەكەۋى الماتى – استانا، الماتى – ىستىقكول باعىتتارى بويىنشا وتكەن بولاتىن.

ەستەرىڭىزگە سالا كەتەيىك، قوعامدىق دامۋ مينيسترلىگى «سپورت بەز گرانيس» جوباسىنىڭ سەرىكتەسى بولىپ تابىلادى. «ASAR-II» ۇەۇ-بيزنەس-مەملەكەتتىڭ ىنتىماقتاستىعى فورۋمى اياسىندا «سپورت بەز گرانيس» جوباسى ودان ءارى الەۋەتتى دەمەۋشىلەردى تارتۋ جانە كاسىپكەرلەر، مەسەناتتار جانە قول ۇشىن سوزۋعا دايىن ازاماتتار تاراپىنان قولداۋ كورسەتۋ ماقساتىندا  تانىستىرىلعان بولاتىن.