بۇگىندە قازاقستاندا بانككە قارىزى جوق ادام كەمدە-كەم، ءتىپتى جوق دەۋگە دە بولادى. دۇكەننەن نان العانداي نەسيەگە وڭاي قول جەتكىزىپ جۇرگەن قازاقستاندىقتار جالپى سوماسى 6 تريلليون تەڭگە قارىز ەكەن. بۇل تۋرالى tengrinews.kz پورتالى Ranking.kz زەرتتەۋىنە سۇيەنىپ حابارلادى. 

جەكە تۇلعالاردىڭ نەسيە بويىنشا جيىنتىق قارىزى 2018 جىلدىڭ ماۋسىمىنىڭ اياعىندا 5،6 تريلليون تەڭگەنى قۇرادى. وتكەن ايعا قاراعاندا 2،3 پايىزعا جوعارى.

ساراپشىلاردىڭ مالىمەتىنشە، بولشەك قارىزداردىڭ جارتىسىنان استامى سالىق سالىنبايتىن نەسيەلەر، ولاردىڭ ۇلەسى ءبىر ايدا 51،3 پايىزدان 51،7-گە ءبىراق وسكەن.

بولشەك نەسيە بەرۋ قۇرىلىمى بويىنشا ونلاين-كومپانيالاردىڭ ۇلەسى ماۋسىم بويىنشا 2 پايىزدى عانا قۇرادى، ول اعىمداعى جىلداعى ەڭ تومەنگى كورسەتكىش.

2018 جىلدىڭ العاشقى جارتى جىلدىعىنداعى ەڭ جوعارعى كورسەتكىش ناۋرىزدا بايقالدى – 4،1 پايىز.

ونلاين-كومپانيالار عالامتور ارقىلى جەدەل تۇردە قارىز الۋ ۇلگىسىن ۇسىنادى. كىشى پايىزدىق مولشەرلەمەسى 0،25 پايىزدان 1 پايىزعا دەيىن تۇرلەنەدى.

قارىز بەرۋ ۋاقىتى – 1 ايعا دەيىن (30-31 كۇن). ەڭ ازى – 21، كوبى – 365 كۇن.

16 شىلدەدە ۇلتتىق بانك ونلاين-نەسيەلەۋ جۇيەسىن رەتكە كەلتىرۋ زاڭناماسىنا تۇزەتۋلەر ەنگىزۋ ماسەلەسىن ەنگىزدى. ساراپشىلاردىڭ ايتۋىنشا، وندا 100 پايىز جىلدىق مولشەرلەمەگە شەكتىك ۋاقىت بەكىتىلدى.