وبلىستىق اكىمدىكتىڭ وتىرىسىندا مەكتەپتەردى ينتەرنەتپەن قامتاماسىز ەتۋ ماسەلەسى تالقىلاندى دەپ حابارلايدى Qamshy.kz اقپارات اگەنتتىگى سقو اكىمدىگىنىڭ باسپا ءسوز قىزمەتىنە سىلتەمە جاساي وتىرىپ. ءقازىر وبلىستاعى مەكتەپتەردىڭ 87 % كەڭ جولاقتى ينتەرنەتكە قوسىلعان. پەتروپاۆل مەن اۋدان ورتالىقتارىندا بۇل كورسەتكىش 100 %، اۋىل مەكتەپتەرىندە 85 % قۇرايدى. جىل سوڭىنا دەيىن تاعى 41 مەكتەپكە عالامتور جەتەدى. ءسويتىپ، جىل سوڭىندا مەكتەپتەردىڭ 94 % كەڭ جولاقتى ينتەرنەتكە قوسىلسا، ينتەرنەتپەن قامتاسىز ەتۋ 100 % جەتەدى. دەگەنمەن، وبلىس اكىمى وبلىستاعى مەكتەپتەردىڭ تەك 70 % عانا  WI-FI جەلىسىنە قوسىلعان دەيدى.

«ينتەرنەت بار، WI-FI جوق. بۇل دا قيىندىقتار تۋعىزادى. اسىرەسە، ۇلكەن مەكتەپتەرگە. قىزىلجار اۋدانىندا بارلىق مەكتەپتەر ينتەرنەتكە قوسىلعان، الايدا WI-FI جەلىسىنە تەك 25 % قوسىلعان. اۋدان اكىمدەرى كەلەسى جىلى بۇل باعىتقا بيۋدجەتتەن قاراجات قاراستىرسىن»،- دەدى قۇمار اقساقالوۆ.

ءوڭىر باسشىسى بۇل ماسەلەنى وبلىستىق ءبىلىم باسقارماسىنىڭ باسشىسى گۇلميرا كارىموۆاعا ءوز باقىلاۋىنا الۋدى تاپسىردى.

ايتا كەتۋ كەرەك، جىل سوڭىندا سولتۇستىكقازاقستاندىق وقۋشىلاردىڭ 95 % «كۇندەلىك.KZ» ءبىرىڭعاي اقپاراتتىق جۇيەسىندە جۇمىس ىستەي الادى. قالا مەكتەپتەرىندە «SMART بالاباقشا» جانە «SMART مەكتەپ» اتتى پيلوتتىق جوبالار جۇزەگە اسىپ جاتىر.