ق ر ەگىن شارۋاشىلىعىن سيفرلاندىرۋ ماقساتىندا دالمە-دال ەگىنشىلىك تەحنولوگياسى قولعا الىنعان بولاتىن. ونداعى ماقسات – كەز كەلگەن وسىمدىكتىڭ دۇرىس ءوسىپ شىعۋى ءۇشىن بارىنشا جاعداي جاساۋ. ءبىر جاعىنان، وندىرىستىك شىعىنداردى ازايتۋعا ۇلەس قوسۋ.
دالمە-دال ەگىنشىلىك – قازىرگى تاڭداعى جاھاندىق ترەند. ەگىن شارۋاشىلىعىنداعى وسىنداي تەحنولوگيانىڭ ارقاسىندا قورشاعان ورتا لاستانبايدى. تۇرعىندار تۇتىناتىن اۋىل شارۋاشىلىق ونىمدەرىنىڭ ساپاسى جوعارى بولادى. اتالعان كونسەپسيانىڭ نەگىزگى مىندەتى – جەر تەلىمىنىڭ بارلىق اۋماعىن ۇتىمدى پايدانۋعا ىقپال ەتىپ، تىڭايتقىشتاردى سەبۋ كەزىندە كوپ شىعىنعا جول بەرمەي، ونىمدىلىكتى كوبەيتۋ. اتالمىش تەحنولوگيا ەلىمىز ءۇشىن مىناداي ماقساتتارعا جەتۋگە اسەر ەتەدى. بىرىنشىدەن، مۇنداي وزىق تەحنولوگيالار سەكتورىن پايدالانۋ ارقىلى قازاقستان ەكونوميكاسى ءارتاراپتاندىرىلادى. ەكىنشىدەن، قازاقستانعا اگروونەركاسىپتىك كەشەننىڭ الەۋەتىن تولىقتاي پايدالانۋعا مۇمكىندىك بەرەدى.
دالمە-دال ەگىنشىلىك جۇيەسى قازاقستاننىڭ تۇكپىر-تۇكپىرىندە قولدانىلىپ جاتىر. ستاتيستيكالىق مالىمەتتەرگە سۇيەنەتىن بولساق، بۇگىندە 23،7 ملن. گەكتار جەر سيفرلاندىرىلعان. بۇل تەحنولوگيانىڭ نەگىزگى ارتىقشىلىقتارى: ونىمدىلىكتى 35-40%-عا ارتتىرادى؛ تىڭايتقىشتاردى تۇتىنۋ كەزىندەگى شىعىندى 30-50%-عا ازايتادى؛ وسىمدىك قورعاۋ ونىمدەرىن جانە جانار-جاعار ماي ونىمدەرىن 26-35%-عا ازايتۋعا ىقپال ەتەدى. بۇعان قوسا، تەحنولوگيالىق وپەراسيالاردىڭ ۋاقتىلى ىسكە اسىرىلۋىنا مۇمكىندىك بەرەدى.
بۇل تەحنولوگيانىڭ ەلەمەنتتەرىنىڭ پايداسى مەن تۇرلەرىنە كەلەتىن بولساق، دالمە-دال ەگىنشىلىك ەلەمەنتتەرىن ەنگىزۋ فەرمەرلەرگە ءوندىرىس تيىمدىلىگىن ايتارلىقتاي ارتتىرۋعا جاعداي جاسايدى. ونىڭ ەلەمەنتتەرىنە: القاپتاردىڭ ەلەكتروندىق كارتالارى، ناقتى مەتەودەرەكتەر، سەنسونلار مەن داچيكتەر، عارىشتىق مونيتورينگ پەن باسقا دا شەشىمدەر جاتادى.
سونداي-اق، ونىڭ پاراللەلدى جۇرگىزۋ جانە اۆتوپيلوتتاۋ دەگەن ەلەمەنتتەرى بار. ولاردىڭ كومەگىمەن القاپتاعى جۇمىستار كەزىندە ماشينالاردىڭ ءوتۋ جولدارى اراسىنداعى قاشىقتىقتى دۇرىس قاداعالاۋعا بولادى. تاعى ءبىر ەرەكشەلىگى – قاراڭعىلىق باسقان ۋاقىتتاردا جۇمىس ىستەۋگە جاعداي جاساۋى مەن ەگىن سەبىلگەن جەرلەردىڭ اراقاشىقتىعىن ءدال انىقتاي الۋى. وسى رەتتە، كوپتەگەن شارۋا قوجالىقتارى بولسا پاراللەلدى جۇرگىزۋ ارقىلى وتىندى 12% -عا دەيىن ۇنەمدەۋگە بولاتىنىن ايتىپ وتىر.قازىرگى تاڭدا اتالمىش تىڭ تەحنولوگيانى ەنگىزۋ ءۇشىن ق ر اۋىل شارۋاشىلىعى مينيسترلىگىنىڭ باستاماسىمەن ءبىرقاتار جۇمىستار اتقارىلىپ جاتىر. «ءدال ەگىنشىلىكتى ەنگىزۋ ءۇشىن فەرمالاردىڭ ءۇش ءتۇرى انىقتالدى. ولار: بازالىق فەرما، ىلگەرى فەرما جانە سيفرلىق فەرما. بۇگىندە بۇلارعا ارنالعان قاجەتتى ەلەمەنتتەر بەلگىلەندى. ءبىز e-اوك باعدارلاماسى ارقىلى بارلىق جەر تەلىمدەرىن سيفرلاۋ ارقىلى بازالىق دەڭگەيدى ۇسىندىق. ەندىگى كەزەكتە بازالىق دەڭگەيدى ىلگەرى دەڭگەيگە شىعارىپ، سوسىن سيفرلىق فەرماعا اۋىستىرۋ قاجەت»، – دەيدى ق ر اۋىل شارۋاشىلىعى ۆيسە-مينيسترى ارمان ەۆنييەۆ.
ۆيسە-مينيستردىڭ ايتۋىنشا، ەلىمىزدە 114 ىلگەرى فەرما بار. ال، سيفرلىق فەرمالاردىڭ سانى ازىرگە 10-دى قۇراپ وتىر. اكىمدىكتەر شارۋاشىلىقتاردىڭ سيفرلىق تۇرعىدان دامۋى كومەك كورسەتۋلەرى قاجەت. 2022 جىلى ەل اۋماعىندا 2000 ىلگەرى فەرما قۇرىلادى دەپ جوسپارلانۋدا.
دالمە-دال ەگىنشىلىك تەحنولوگياسىنىڭ ارقاسىندا ەڭبەك ونىمدىلىگىن بىرنەشە ەسەگە ارتتىرۋعا بولادى. اتالعان تەحنولوگيانى قولدانا وتىرىپ، ەگىن جيناۋ ءۇشىن وڭتايلى ۋاقىتتى بولجاي الامىز. «اقىلدى سۋارۋ» جۇيەسىن دە قولدانۋعا بولادى. وسىنداي ينتەللەكتۋالدىق جۇيە مينەرالدى تىڭايتقىشتاردى سەبۋ كەزىندە وڭ اسەرىن بەرىپ، زالالدى زيانكەستەر مەن ءتۇرلى ارامشوپتەردى جويۋعا جاردەمدەسەدى. ادامي فاكتوردى بارىنشا ازايتىپ، ەگىن ونىمدەرىنىڭ قۇنىن ارزانداتۋعا سەرپىن بەرەدى.
