بۇگىن قازاقستانداعى ىشكى جانە كەلۋ ءتۋريزمدى دامىتۋ ماقساتىندا جاسالعان مەملەكەتتىك باعدارلاما مەن سالالىق زاڭ جوباسىنىڭ تانىستىرىلىمى ءوتتى. وعان ق ر مادەنيەت جانە سپورت ۆيسە-مينيسترى ەرلان قوجاعاپانوۆ، ق ر «اتامەكەن» كاسىپكەرلەر پالاتاسى، قازاقستان رەسپۋبليكاسىنىڭ تۋريزم سالاسى وكىلدەرى، مەملەكەتتىك مەكەمە وكىلدەرى، مەملەكەتتىك ىشكى جانە كەلۋ ءتۋريزمدى دامىتۋ شتابى، تۋريزم سالاسىنداعى ماسەلەلەر بويىنشا زاڭ جوباسىن جاساۋ بويىنشا توپتار، «نك «Kazakh Tourism» اق، دەنساۋلىق ساقتاۋ، ءبىلىم، دامۋ ينستيتۋتى، ۇلتتىق كومپانيالار، قوعامدىق ۇيىمدار قاتىستى.

جيىندا ءسوز العان  ۆيسە-مينيستر 2025 جىلعا قاراي قازاقستاننىڭ ىشكى جانە كەلۋ ءتۋريزمىن دامىتۋ ءۇشىن قىزمەت ماسەلەلەرى بويىنشا زاڭعا تولىقتىرۋلار مەن وزگەرىستەر ەنگىزىلگەنىن ايتادى. ناقتى ايتار بولساق، قازاقستانداعى تۋريستىك سالا تۋرالى زاڭعا 27 وزگەرىس ەنگىزىلدى جانە 18 باپپەن تولىقتى.

مەملەكەتتىك باعدارلامانى دايىنداۋ بارىسىندا شەتەل تاجىريبەسى زەرتتەلدى، تۋريزم سالاسىندا تالماي ەڭبەك ەتىپ جۇرگەن قاۋىمداستىق، تۋريستىك بيزنەس وكىلدەرى، عالىمداردىڭ ۇسىنىستارى ەسكەرىلدى.

قازاقستاننىڭ ىشكى جانە سىرتقى تۋريزم سالاسىن دامىتۋ ماقساتىندا نەگىزگى التى باعىت ىرىكتەلدى.

ولار: تۋريستىك ينفراقۇرىلىمدى دامىتۋ؛

           ۆيزالىق جانە كوشى-قون ساياساتىن ليبەرالداندىرۋ؛

           تۋريستىك نىساندار مەن دەستيناسيالاردىڭ كولىكتىك قولجەتىمدىلىگىن ارتتىرۋ؛

           تۋريستىك برەندتى ىلگەرىلەتۋ؛

           مەملەكەتتىك قولداۋ تيىمدىلىگىن ارتتىرۋ؛

           قىزمەت كورسەتۋ مەن كادرلىق قامسىزداندىرۋدى جەتىلدىرۋ.

ءتۋريزمدى دامىتۋ ماقساتىندا، قازاقستاندىقتار ءۇشىن قازاقستاندا ساياحاتتاۋ ىڭعايلى ءارى ارزان ەتۋ، قازاقستاننىڭ كورىكتى جەرلەرىن دامىتۋ، قىزمەت كورسەتۋ ساپاسىن ارتتىرۋ كوزدەلگەن. مەملەكەتتىك باعدارلاما اياسىندا تۋريزم سالاسىنا قاتىستى بارلىق ماسەلەلەر قاراستىرىلدى، ياعني جول ماسەلەسىن شەشۋ، اۋە بيلەتتەرىن قازاقستاندىقتار ءۇشىن ارزان ەتۋ، قوناق ۇيلەردەگى جاعدايدى جاقسارتۋ، ونداعى قىزمەت كورسەتۋ ساپاسىن ارتتىرۋ، جاڭا دەمالىس ورىندارىن سالۋ، مەزگىلدىك دەمالىس ورىندارىن اشۋ، وندا تەك ەرەسەكتەرگە عانا ەمەس، بالالار مەن جەتكىنشەكتەرگە پايدالى ءارى قىزىقتى ۋاقىت وتكىزۋىنە جاعداي جاساۋ.

مەملەكەتتىك باعدارلاما اياسىندا ءبىر جىلدا قازاقستانعا كەلەتىن تۋريستەردى 4 ەسەگە ارتتىرۋ كوزدەلۋدە، ياعني جىلىنا 13 ميلليون تۋريست كەلەدى دەپ جوسپارلانۋدا. ول ءۇشىن 4 ميلليارد دوللار ينۆەستيسيا قۇيىلماق. قازاقستانداعى ىشكى جانە كەلۋ ءتۋريزمىن دامىتۋ ءۇشىن جاسالعان جوسپار ىسكە اسار بولسا 64 مىڭ ادام جۇمىسپەن قامتىلادى.

قازاقستانداعى بۋراباي، الاكول، كاسپيي جانە ت.ب تەڭىز بەن كولدەرى بار كورىكتى جەرلەردى دامىتۋ باستى جوسپاردا.

ءتۋريزمدى دامىتۋ ءۇشىن جاڭا قوناق ۇيلەردى اشۋ، جاڭا جول سالۋ، ءتۇرلى دەمالىس كەشەندەرىن، مەيرامحانالاردى سالۋ قاجەت. مەملەكەتتىك باعدارلامانى تانىستىرۋ بارىسىندا قىزىقتى يدەيالارى مەن جوبالارى بارلار ءالى دە حابارلاسا الاتىنى ايتىلدى.

باعدارلاما اياسىندا، كاسىپكەرلەر قازاقستانداعى ءتۋريزمدى دامىتۋ ماقساتىندا جوبانى ىسكە اسىرۋ ءۇشىن كرەديتتى 20 جىلعا الا الادى.  

قازاقستاننىڭ تۋريزم سالاسىنا بەي-جاي قارامايتىن ازاماتتار جيىن بارىسىندا تولعاندىراتىن سۇراقتارىن قويدى. جيىن Facebook الەۋمەتتىك جەلىسىندە تىكەلەي ەفيردە كورسەتىلگەندىكتەن ازاماتتار ونلاين رەجيمىندە ءوز سۇراقتارىن قويىپ، جاۋاپ الا الدى.