«باستاۋ بيزنەس» باعدارلاماسىنىڭ قاتىسۋشىلارى شاعىن نەسيەنى پايدالانۋ قۇقىعىنا يە بولدى.

قازاقستان رەسپۋبليكاسىنىڭ پرەمەر-مينيسترى باقىتجان ساعىنتايەۆ «اق جول» پارلامەنت فراكسياسىنىڭ سۇراعىنا جاۋاپ بەرۋى بارىسىندا اۋىلدى ايماقتارداعى شاعىن نەسيەگە بولىنگەن قارجىنىڭ كولەمىن اتادى. ءماجىلىستىڭ رەسمي سايتىندا جاريالانعانداي، شاعىن نەسيەنىڭ كولەمى 4 ميلليون تەڭگەنى قۇرايدى.

«بۇگىندە شاعىن نەسيەلەۋ پراكتيكاسىنىڭ اۋىلدىق ايماقتارداعى ناقتى كولەمى 4 ميلليون تەڭگەنى قۇراسا، قالادا 10 ميلليون تەڭگەنى قۇرادى. 2017 جىلدىڭ قورىتىندىسىنا سايكەس، شاعىن نەسيەنىڭ ورتاشا مولشەرى 4 ميلليون تەڭگە بولسا، 9 ايلىق مولشەر 4،3 ميلليون تەڭگەگە جەتكەن»، - دەپ ءتۇسىندىردى باقىتجان ساعىنتايەۆ.

وسىلايشا، شاعىن نەسيەلەۋگە بايلانىستى تۋعان ازدى-كوپتى ماسەلەلەر مەن «شاعىن نەسيەلەۋدىڭ اۋقىمىن كەڭەيتۋ» پروسەسىنە بولىنگەن قوسىمشا قارجىنى ەسكەرسەك، 14 مىڭ ادامدى قامتۋ ءۇشىن شاعىن نەسيەلەۋدىڭ ءليميتىن قايتا سارالاۋ تۋرالى شەشىم قابىلدانعان.

وسىعان بايلانىستى باعدارلاماعا ەنگىزىلگەن قوسىمشالار مەن وزگەرىستەردىڭ قاتارىندا مىنالار بار: ءۇش جىلعا جۋىق مەملەكەتتىك تىركەۋدە تۇرعان كاسىپكەرلەردىڭ سانىن ارتتىرۋ؛ شاعىن نەسيەنى الۋشىنىڭ جۇمىس ورىندارىن قۇرۋ تۋرالى تالابىن ازايتۋ؛ اۋىلشارۋاشىلىعىن دامىتۋ ماقساتىندا اۋىلدىق ايماقتاردا شاعىن نەسيە مولشەرىن ماكسيمالدى كورسەتكىشكە جەتكىزۋ - 5 مىڭ مرپ-دان 8 مىڭ مرپ-عا دەيىن.

سونىمەن قاتار «باستاۋ بيزنەس» كاسىپكەرلىك نەگىزدەرىن وقىتاتىن جوبانىڭ سەرتيفيكاتىن العاندار، جالپى باعدارلاماعا قاتىسقاندار شاعىن نەسيە الاتىن مۇمكىندىككە يە بولادى.

«باعدارلامانى دامىتۋ پروسەسى – كۇندەلىكتى باقىلاۋدا. ونىڭ دامۋ جولى ءار وتىرىستا تالقىلانادى»، - دەدى قورىتىندى سوزىندە باقىتجان ساعىنتايەۆ.

ەلباسىنىڭ بەس الەۋمەتتىك باستاماسىنداعى ءتورتىنشىسى – شاعىن نەسيەلەردى بەرۋدىڭ اۋقىمىن كەڭەيتۋ جوسپارلاندى. 2018 جىلى قوسىمشا 20 ملرد تەڭگە ءبولۋ ءارى شاعىن نەسيەلەۋدىڭ جالپى سوماسىن 62 ملرد تەڭگەگە دەيىن كوبەيتۋ قاراستىرىلدى. ناتيجەسىندە بۇل باستاماعا 14 مىڭ ادام قاتىسا الادى، بۇل كورسەتكىش 2017 جىلعا قاراعاندا ەكى ەسەگە ارتقان.

قازىرگى ۋاقىتتا الماتىدا ءوزىن-وزى قامتاماسىز ەتەتىن تۇرعىندار مەن جۇمىسسىزدار اراسىندا كاسىپكەرلىكتى دامىتۋ جۇمىستارى جۇرگىزىلىپ جاتىر. بۇل جۇمىستاردى جۇرگىزۋدىڭ ماقساتى – شاعىن نەسيەلەردى بەرۋ. بۇگىنگى كۇننىڭ وزىندە جۇمىسپەن قامتۋ ورتالىعىنا مەگاپوليستىڭ 29128 تۇرعىنى بارعان، ولاردىڭ ىشىندە 11579-ى جۇمىسسىزدار.

ونىڭ ۇستىنە 2017 جىلى ءوزىن-وزى قامتيتىندار مەن الماتىداعى جۇمىسسىز تۇرعىندارعا شاعىن نەسيە بەرۋ 2017-2021 جىلدارداعى ءونىمدى جۇمىسپەن قامتۋ جانە كاسىپكەرلىكتى دامىتۋعا ارنالعان «ەڭبەك» باعدارلاماسى اياسىندا باستالعان.

الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ دەرەگىنە سۇيەنسەك، بىلتىر شاعىن نەسيەلەۋ ءۇشىن 1 006 ميلليون تەىگە بولىنگەن ەكەن، سونىمەن قاتار قوسىمشا 2 015 ميلليون تەڭگە ءارى 43 جوبانى ىسكە اسىرۋ ءۇشىن 662 ميلليون تەڭگە بولىنگەن. «كاسىپكەرلىكتىڭ نەگىزدەرى» كۋرستارىندا 265 ادام ءبىلىم الدى، ولاردىڭ 10-ى عانا جەكە كاسىبىن اشتى.

بيىل جۇمىسسىزدار مەن ءوزىن-وزى جۇمىسپەن قامتاماسىز ەتەتىندەر ءۇشىن 150 شاعىن نەسيە بەرۋ جوسپارلاندى، وسى ماقساتتا 436،4 مىڭ تەڭگە ءبولىندى، ونىڭ 335،1 مىڭ تەڭگەسى شاعىن نەسيەلەۋگە كەتسە، 101،3 مىڭ تەڭگەسى شاعىن نەسيەلەرگە كەپىل بەرۋ ءۇشىن جۇمسالادى.

بارلىق مەرزىمدى قوسا ەسەپتەگەندە 2017-2018 جىلدارداعى باعدارلامانى جۇزەگە اسىرۋ ءۇشىن 148 جوبا 2205 ميلليون تەڭگەگە قارجىلاندى.

جالپى، 2017 جىلى ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى ءۇشىن 63 جوبا 905 ميلليون تەڭگەگە قارجىلاندىرىلعان. اعىمداعى جىلى 1،3 ميلليارد تەڭگە كولەمىندەگى 85 شاعىن نەسيە بەرىلدى.

«باعدارلامانى جۇزەگە اسىرۋدى باستاعالى 2،2 ميلليارد تەڭگە كولەمىندە 148 جوبا قارجىلاندىرىلدى. 465 جۇمىس ورنى ساقتالىپ، جاڭا 155 جۇمىس ورنىن قۇرۋ جوسپارلاندى»، - دەلىنگەن قۇجات ۆەدومستۆوسىندا.

اگەنتتىكتىڭ مالىمەتىنە سۇيەنسەك، الماتى قالاسىنداعى كاسىپكەرلىك پوتەنسيالدىڭ الەۋەتى زور. ستاتيستيكاعا سۇيەنسەك، قالادا 271 794 شاعىن جانە ورتا بيزنەس تىركەلگەن. بۇل 2017 جىلعا قاراعاندا 3،4 پايىزعا جوعارى كورسەتكىش. 2018 جىلدىڭ سوڭىنا دەيىن تاعى 55 جوبانى قارجىلاندىرۋ جوسپاردا بار.

«جۇمىس كەلەسى جىلدارى دا جالعاساتىن بولادى، وسىلايشا جۇمىسسىزدار مەن ءوزىن-وزى جۇمىسپەن قامتيتىن ازاماتتار بەلسەندى تۇردە كاسىپ اشىپ، ومىرلىك دەڭگەيىن جاقسارتۋعا مول مۇمكىندىك تۋماق»، - دەپ مالىمدەدى الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ وكىلدەرى.

باسقارما دەرەگىندە سۇيەنسەك، نۇرسۇلتان نازاربايەۆتىڭ بەس الەۋمەتتىك باستاماسىن جۇزەگە اسىرۋ جۇمىستارى 2019 جىلى دا جالعاسىن تابادى، جاستاردىڭ جەكە ىسپەن اينالىسىپ، كاسىپ اشۋلارىنا ۇلكەن مۇمكىندىك جاسالادى. شاعىن نەسيەلەۋ باعدارلاماسىن 2019 جىلى جۇزەگە اسىرۋ ءۇشىن مەملەكەتتىك بيۋدجەتتەن 419،7 ميلليون تەڭگە ءبولۋ جوسپارلاندى، ال قالالىق بيۋدجەتتەن بولىنەتىن قارجى مولشەرى – 1 ملرد تەڭگە.

بۇدان بۇرىن ەلباسى حالىققا شاعىن نەسيە بەرۋ باعدارلاماسىن ءوزىن-وزى جۇمىسپەن قامتىعاندار مەن جۇمىسسىزدارعا ۇسىنىلعان ەڭ ءتيىمدى جول ەكەنىن ايتىپ وتكەن بولاتىن.

«بيىل قازاقستاندىقتارعا بەرىلەتىن شاعىن نەسيە سوماسىن 2017 جىلعىمەن سالىستىرعاندا 20 ميلليارد تەڭگەگە كوبەيتۋدى تاپسىرامىن. سوندا ونىڭ جالپى سوماسى جىلىنا 62 ميلليارد تەڭگەنى قۇرايدى»، - دەگەن نازاربايەۆ كاسىپ اشىپ، ءوزى ءىسىن باستايتىن جاستاردىڭ سانى ارتاتىنىنا سەنىمدى.