اعىمداعى جىلدىڭ 31 قازانىندا مينسك قالاسىندا وتكەن ميۋنحەندىك قاۋىپسىزدىك كونفەرەنسياسىنىڭ نەگىزگى توبىنىڭ جۇمىسىن باستالۋىنا بايلانىستى بەلارۋس پرەزيدەنتى الەكساندر لۋكاشەنكو ءوز ەلىنىڭ رەسەي-ۋكراينا شەكاراسىنا باقىلاۋ جاساۋدى ۇسىندى دەپ حابارلادى «ازاتتىق راديوسى».
لۋكاشەنكو مينسك كەلىسىمدەرىنىڭ ورىندالۋىنا مونيتورينگ جۇرگىزۋ مەحانيزمىن قامتاماسىز ەتۋ ءۇشىن نورماندىك فورماتىندا جۇمىسىن كۇشەيتۋگە شاقىردى. «جاي عانا ۋكراينانىڭ شىعىس ايماقتارىندا بەيبىتشىلىكتى قامتاماسىز ەتۋگە جانە رەسەي-ۋكراينا شەكاراسىنا باقىلاۋ جاساۋعا، سونداي-اق، بۇل ايماقتار ۋكراينانىڭ اجىراماس بولىگى بولىپ تابىلاتىندىعىنا نەگىزدەلگەن دونباسستاعى سايلاۋ وتكىزۋدى قوسا جۇرەتىن بولامىز»، - دەدى ول. «ەگەر قالاساق، دونباستا قاقتىعىستىڭ تەزارادا شەشىمى تابىلار ەدى»، - دەپ لۋكاشەنكو ءوز سەنىمدى ءبىلدىردى. «ءبىز ۋكراينانىڭ ەقىۇ-دا ارنايى باقىلاۋ ميسسياسىنىڭ جانە ءۇشجاقتى بايلانىس توبىنىڭ مۇمكىندىكتەرىن نىعايتۋ بويىنشا جۇمىسىن جالعاستىرا بەرۋىمىز كەرەك، ءبىز مينسكىدە ءۇشجاقتى بايلانىس توبىنىڭ تەحنيكالىق نۇكتەسىن قۇرۋ تۋرالى، ال ەكىنشىسى بۇگىن ەۋروپادا كەلىسە الاتىنىمىزعا دايىنبىز»، - دەدى ول.
بەلارۋس پرەزيدەنتى دونباسسقا بىتىمگەرشىلەردى ەنگىزۋ يدەياسىن قولدادى. «دونباسسقا بىتىمگەرشىلەردى ورنالاستىرۋ ءۇشىن ءوزارا ءتيىمدى شەشىمدى ىزدەستىرۋ قاجەت، ۋكراينادا بۇۇ مەن ەقىۇ-نىڭ بىرلەسكەن ميسسياسىن ورنالاستىرۋ مۇمكىندىگىن قاراستىرۋ مۇمكىندىگى بار» - دەپ ايتتى بەلارۋس پرەزيدەنتى. 31 قازان - 1 قاراشادا ميۋنحەن كونفەرەنسياسىنىڭ نەگىزگى توبىنىڭ مينسكىدە شىعىس ەۋروپاداعى تۇڭعىش رەت كەزدەسۋى ءوتتى، ول 31 قاڭتاردان 1 قاراشاعا دەيىن جالعاسادى. ميۋنحەن كونفەرەنسياسى 1963 جىلدان بەرى جىل سايىن وتكىزىلىپ كەلەدى جانە نەگىزگى توپ 2009 جىلدان بەرى كەزدەسىپ كەلەدى. كەزدەسۋلەر بۇرىن امەريكا قۇراما شتاتتارىندا، رەسەيدە، قىتايدا، كاتاردا، ءۇندىستاندا، اۆستريادا، يراندا جانە ەفيوپيادا ءوتتى.
لۋكاشەنكونىڭ مۇنداي مالىمدەمەسىن جاساۋعا ەكى سەبەبى بولۋى مۇمكىن. بىرىنشىدەن، لۋكاشەنكو پۋتينمەن كەلىسىمگە كەلىپ، بۇل باستامانى - رەسەي-ۋكراينالىق شەكاراسىن بەلارۋس باقىلاۋىن باستايدى، ويتكەنى باتىستىق سانكسيالار رەسەيلىك ەكونوميكاعا جانە قاراپايىم رەسەيلىك حالىقتىڭ ءومىر ءسۇرۋ دەڭگەيىنە قاتتى اسەر ەتىپ جاتىر، ال د/لنر جاعدايى تولىعىمەن رەسەيدى تىعىرىققا تىرەدى.
ەكىنشىدەن، بۇل ساياسي قادام ارقىلى لۋكاشەنكو بەلارۋس ەلىنىڭ حالىقارالىق بەدەلىن الەمدىك قاۋىمداستىقتا كوتەرۋ ءۇشىن جاسالىنىپ جاتىر، سونداي-اق بەلارۋسكە رەسەيدەن جەتكىزىلەتىن ەنەرگيا رەسۋرستارىنىڭ باعاسىن تومەندەتۋ ءۇشىن جاسالىنىپ جاتىر. تەك سوندا بەلارۋس ەكونوميكاسىنىڭ جانە حالىقتىڭ تۇرمىس جاعدايى جاقسارادى. ەگەردە بەلارۋسكە جىبەرىلەتىن رەسەي ءوز ەنەرگورەسۋرستارىنا باعاسىن كوتەرسە، وندا بەلارۋس ەكونوميكالىق قۇلدىراۋىنا تاپ بولادى.
ۋكراينانىڭ شىعىسىندا قارۋلى قاقتىعىس 2014 جىلدىڭ ءساۋىر ايىندا باستالعانىن ۋكراينانىڭ قارۋلى اتاپ ءوتۋ كەرەك. ۋكراينانىڭ قارۋلى كۇشتەرى مەن دونەسك جانە لۋگانسك وبلىستارىنىڭ ءبىر بولىگىن باسقاراتىن رەسەيلىك اسكەري قۇرىلىمدار اراسىندا سوعىس جۇرگىزىلۋدە. دونباسس قاقتىعىسىن رەتتەۋدى رەتتەيتىن مينسك كەلىسىمدەرىنە 2015 جىلدىڭ اقپانىندا قول قويىلعان ەدى. ولار دونەسك جانە لۋگانسك وبلىستارىندا اتىس توقتاتۋعا، اۋىر اسكەري تەحنيكانى الىپ تاستاۋعا، بارلىق كەپىلدىكتەردىڭ بوساتىلۋىنا جانە ۋكراينا ۇكىمەتى تاراپىنان مەملەكەتتىك شەكارانى تولىقتاي قالپىنا كەلتىرۋگە شاقىرادى، ءبىراق كەلىسىمدەردىڭ بىردە-بىر تارماعى تولىعىمەن ورىندالماي ءجۇر.
كەرىمسال جۇباتقانوۆ، تاريح عىلىمدارىنىڭ كانديداتى، قازاق-ورىس حالىقارالىق ۋنيۆەرسيتەتىنىڭ دوسەنتى.
