الەۋمەتتىك جەلىدە حەللوۋين مەرەكەسىندەگى جانتۇرشىگەرلىك جايتتىڭ ۆيدەوسى پايدا بولدى دەپ جازادى Qamshy.kz اقپارات اگەنتتىگى zakon.kz سايتىنىڭ دەرەگىن نەگىزگە الىپ. اتالمىش ۆيدەودا اكتەر اسىلىپ تۇرعان ادامنىڭ ءرولىن سومداماق بولعان. كۋاگەرلەردىڭ ايتۋى بويىنشا، اكتەر سول جەردە جان تاپسىرعان.
بۇل جايت "تسب" كلۋبىندا ورىن الدى دەگەن بەيرەسمي دەرەك بار. اكتەر قاۋىپسىزدىك ەرەجەسى ساقتالماعاندىقتان قايتىس بولعان. كەيىننەن ينفاركتان جان تاپسىردى دەگەن دەرەك پايدا بولدى.
"بۇل قازاقستاندىق كاسكادەر قاسىم ءجۇماعوجيننىڭ قايتىس بولعان ءساتى. ادامدار كوز الدىندا قايتىس بولعان ادامدى كورمەگەن. كلۋبقا كەلۋشىلەرگە تەك ويىن-كۇلكى بولسا جەتكىلىكتى، باسقاسىنا باس قاتىرعىسى كەلمەيدى"، دەپ جازعان الەۋمەتتىك جەلىنى قولدانۋشىلاردىڭ ءبىرى.
3 قاراشانىڭ تاڭەرتەڭىندە قازاقستاندىق كاسكادەر قاسىم ءجۇماعوجيننىڭ قايتىس بولعانى بەلگىلى بولدى.
اتالمىش جايت تۋرالى قۇزىرلى ورگاندار ەشقانداي پىكىر بىلدىرمەدى.