ولجاس سۇلەيمەنوۆتىڭ نەمەرەسىنىڭ قازاسىنا بايلانىستى وسى ۋاقىتقا دەيىن سوتتا جاۋاپ بەرگەن قىزىلوردا وبلىستىق  ىشكى ستەر دەپارتامەنتى باسشىسىنىڭ قىزى ماليكا مۇحيتوۆاعا قاتىستى سوت ۇكىمى شىقتى. ول «جول اپاتىنا تىكەلەي ايىپتى» دەپ تانىلىپ، 2 جىلعا باس بوستاندىعىنان ايرىلدى. ماليكا مۇحيتوۆا  ەندى جازاسىن قونىس كالونياسىندا وتەيتىن بولادى.

–«ماليكا قايرات قىزى  مۇحيتوۆا قىلمىستىق كودەكستىڭ 345-بابىنىڭ 3-بولىگى بويىنشا ايىپتى دەپ تانىلسىن. 2 جىلعا باس بوستاندىعىنان ايىرىلىپ، جازاسىن قىلمىستىق-اتقارۋ جۇيەسى مەكەمەسىنىڭ قونىس كولونياسىندا وتەسىن، 5 جىلعا كولىك قۇرالىن باسقارۋ قۇقىعىنان ايىرىلسىن”، – دەدى  ۇكىمدى وقىعان سۋديا قانات توباعالي ۇلى.

ەگەر ايىپتالۋشى جاق سوت شەشىمىنە كەلىسپەسە، 15 كۇننىڭ ىشىندە قارسى شاعىم تۇسىرە الادى.

ەسكەرتە كەتەيىك، ولجاس سۇلەيمەنوۆتىڭ نەمەرەسى قازا تاپقان جول-كولىك وقيعاسى 2018 جىلدىڭ 22 ماۋسىمىندا استانا قالاسىنداعى ماڭگىلىك ەل مەن كەرەي-جانىبەك داڭعىلىنىڭ قيىلىسىندا ورىن العانى بەلگىلى. ال ماليكا مۇحيتوۆانىڭ "سامۇرىق-قازىنا" ءال-اۋقات قورى كومپانياسىندا جۇمىس ىستەيتىنىنىن ايتا كەتكەنىمىز ءجون.