اقتوبە وبلىسىنىڭ اكىمى بەردىبەك ساپاربايەۆ ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا مەملەكەت باسشىسىنىڭ بەس الەۋمەتتىك باستاماسىن جۇزەگە اسىرۋ بويىنشا اتقارىلىپ جاتقان جۇمىستار تۋرالى ايتتى.

ايتا كەتەيىك، پرەزيدەنتتىڭ باستامالارى اقتوبەلىكتەردەن كەڭ قولداۋ تاپتى، سوندىقتان  مەملەكەت باسشىسىنىڭ تەڭدەسسىز باعدارلاماسىن جۇزەگە اسىرۋدا وبلىس قازاقستاندا العاشقىلاردىڭ ءبىرى بولىپ كىرىستى.

• بىزدە تۇرعىن ءۇي سەكتورىن دامىتۋدىڭ مىقتى ىرگەتاسى قالانعان. 2017 جىلدىڭ وزىندە 792 مىڭ شارشى مەتر تۇرعىن ءۇي پايدالانۋعا بەرىلدى. اعىمداعى جىلى 24 مىڭ اقتوبەلىكتى باسپانامەن قامتۋ ءۇشىن كەم دەگەندە 900 شارشى مەتر تۇرعىن ءۇي سالۋ جوسپاردا بار. «7-20-25» جانە «نۇرلى جەر» باعدارلاماسىن جۇزەگە اسىرۋ ەسەبىنەن وڭىردەگى تۇرعىن ءۇي قۇرىلىسىنىڭ رەكوردتىق كولەمى ارتىپ، العاشقى جارنا 20 پايىزدان 10 پايىزعا تومەندەتىلدى، - دەدى وبلىس باسشىسى.

سالىق اۋىرتپالىعىن تومەندەتۋ ەسەبىنەن 90 مىڭ اقتوبەلىكتىڭ جالاقىسى 9%-كە ارتادى. 2800 ورىنعا ارنالعان كەمىندە 8 زاماناۋي جاتاقحانا قۇرىلىسىن سالۋ جوسپارلانىپ وتىر، قوسىمشا 2 مىڭنان استام گرانت ءبولىندى.

سونداي-اق مىڭداعان اقتوبەلىكتىڭ شاعىن نەسيەلەۋ قىزمەتتەرىن پايدالانا وتىرىپ ءوز ءىسىن باستاۋعا مۇمكىندىگى بار. وسى ماقساتتارعا قوسىمشا 2 ملرد. تەڭگە ءبولىندى. جالپى العاندا، وبلىستا شاعىن نەسيەلەۋگە 4،9 ملرد. تەڭگە قاراستىرىلعان، ال قاراجاتتىڭ باسىم بولىگى نەگىزىنەن اۋىلدىق كاسىپكەرلىكتى دامىتۋعا باعىتتالاتىن بولادى. وبلىستاعى ەلدى مەكەندەردى گازداندىرۋ ءۇشىن 22 جاڭا جوبانى ىسكە اسىرۋ تابيعي گازبەن جابدىقتاۋ دەڭگەيىن 88-دەن 89 پايىزعا دەيىن جەتكىزەدى.