بيىلعى جىلدى قورىتىندىلاپ، جاڭا جىلعا قادام باساتىن ۋاقىت تاياپ قالدى. وسى جىلى ەلىمىزدىڭ ەكونوميكاسىندا قانداي وزگەرىستەر ورىن الدى؟ Qamshy.kz اقپارات اگەنتتىگى 2018 جىلعا ارنالعان ستاتيستيكالىق مالىمەتتەردى وقىرمان نازارىنا ۇسىنادى.
قازاقستاندىقتاردىڭ ورتاشا جالاقىسى وتكەن جىلمەن سالىستىرعاندا 9،3%-عا ارتقان.2017 جىلدىڭ ءىىى توقسانداعى قورىتىندىسى بويىنشا حالىقتىڭ ورتاشا ەسەپپەن جالاقىسى 147 988 مىڭ تەڭگە بولسا، بيىلعى جىلى بۇل كورسەتكىش 161 783 مىڭ تەڭگەنى قۇراعان.
مەملەكەتتىك بيۋدجەتتىڭ شىعىندارى 13%-عا ازايعان. شىعىننىڭ تورتتەن ءبىر بولىگى الەۋمەتتىك كومەكتەرگە جۇمسالىپ، وسى سالاعا بولىنگەن قاراجات 20%-عا ارتقان. سوڭعى توعىز ايدا ءارتۇرلى سالالارعا جۇمسالعان مەملەكەتتىك بيۋدجەتتىڭ سوماسى 8،1 ترلن تەڭگەنى قۇراعان. 2 ترلن تەڭگە الەۋمەتتىك كومەك كورسەتۋ سالالارىنا جۇمسالسا، 1،4 ترلن تەڭگەگە جۋىق قاراجات ءبىلىم سالاسىنا، ال دەنساۋلىق ساقتاۋ سالاسىنا 820،4 ملرد تەڭگە بولىنگەن.
بانك جۇيەسىنەن تۇسەتىن پايدا سوڭعى بەس جىلدا ەڭ جوعارعى كورسەتكىشكە يە بولدى. بيىل 10 ايدا 566 ميلليارد تەڭگە پايدا تۇسكەن. 2018 جىلدىڭ قاڭتار-قازان ايلارىندا قازاقستاننىڭ ەكىنشى دەڭگەيلى بانكتەردەن كورگەن پايداسى 27،7 ترلن تەڭگەگە جەتىپ، سوڭعى بەس جىل ىشىندە جىل سايىن 2،4%-عا ءوسىپ وتىرعان. مۇنداي جوعارى ءوسىم – سوڭعى رەت 2016 جىلى 36،5 ترلن تەڭگە مولشەرىندە بولعان.
قازاقستانداعى جۇمىسسىزدىق دەڭگەيى سوڭعى بەس جىلمەن سالىستىرعاندا ەڭ تومەنگى كورسەتكىشكە جەتىپ، 4،8%-دى قۇراعان. جۇمىسسىزدىق دەڭگەيىنىڭ ەڭ جوعارى كورسەتكىشى الماتى قالاسىندا تىركەلگەن -11،2%. بۇل 200 مىڭعا جۋىق ادام جۇمىسسىز دەگەن ءسوز. ال ەڭ از دەڭگەيى سولتۇستىك قازاقستان وبلىسىندا — 3،4 %. ال جالپى ەلىمىز بويىنشا جۇمىسپەن قامتىلعاندار 8،7 ميلليون ادام. ءوز بەتىمەن جۇمىسپەن قامتىلعاندار سانى 2،1 ملن. ادام بولسا، بۇل كورسەتكىش وتكەن جىلمەن سالىستىرعاندا 2،8%-عا تومەندەگەن.
قازاقستانداعى كولىك ينفراسترۋكتۋراسى سالاسىنىڭ ەڭ ءىرى ينۆەستورى – جۇڭگو: 2018 جىلدىڭ العاشقى جارتى جىلدىعىنىڭ قورىتىندىسى بويىنشا ەلىمىزگە سالىنعان ينۆەستيسيالاردىڭ 31،2% قىتايعا تيەسىلى. 2018-2019 جىلدارعا ارنالعان جوسپار بويىنشا قازاقستان-قىتاي سەرىكتەستىگىنە نەگىزدەلگەن 11 جوبا ىسكە اسادى. ونىڭ جالپى سوماسى 4،4 ميلليارد اقش دوللارىن قۇرايدى.
بالجان حالىق
