قازاقستاندا 2015 جىلى  زەينەتاقى زاڭناماسى وزگەرتىلگەننەن كەيىن، 2018 جىلدان باستاپ كەزەڭ-كەزەڭمەن ءار 6 اي سايىن ايەلدەردىڭ زەينەتكەرلىك جاسى كوتەرىلىپ جاتىر.  2027 قاراي ولاردىڭ زەينەتكەرلىككە شىعۋ جاسى ەرلەردىڭ زەينەتكەرلىك جاسىمەن تەڭەسىپ، 63 جاستى قۇرايتىن بولادى. بۇل تۋرالى ەڭبنك جانە حالىقتى الەۋمەتتىك قورعاۋ مينسترلىگىنىڭ باسپا ءسوز قىزمەتى حابارلادى.

2018 جىلى ءبىرىنشى كەزەڭدە ايەلدەردىڭ زەينەتكەرلىككە شىعۋ جاسى 2017 جىلمەن سالىستىرعاندا 6 ايعا ۇزارتىلىپ، 58،5 جاستى قۇرادى. ەرلەر ءۇشىن زەينەتكەرلىككە شىعۋ جاسى بۇرىنعىسىنشا 63 جاس بولىپ قالدى. سايكەسىنشە، 1960 جىلدىڭ ءبىرىنشى جارتىسىندا تۋعان ايەلدەر، 2018 جىلدىڭ ەكىنشى جارتىسىندا زەينەتكەرلىككە شىقتى.

2019 جىلدىڭ 1 قاڭتارىنان باستاپ ايەل ازاماتتاردىڭ زەينەتكەرلىككە شىعۋ جاسى تاعى 6 ايعا ۇزارىپ، 59 جاستى قۇرادى.  اعىمداعى جىلى 1960 جىلدىڭ ەكىنشى جارتىسىندا تۋعان ايەلدەر زەينەتكەرلىككە شىعادى.

مۇنىمەن قاتار،  2018 جىلدىڭ 1 شىلدەسىنەن باستاپ بازالىق زەينەتاقى  بەلگىلەۋدىڭ جاڭا ادىستەمەسى ەنگىزىلىپ وتىر. بازالىق  زەينەتاقىنى ەسەپتەۋ جۇيەسى وزگەرىپ، وعان سايكەس بازالىق زەينەتاقى كولەمى ارتتى. جاڭا جۇيە بويىنشا ونىڭ مولشەرى ەڭبەك وتىلىنە قاراي وزگەرەتىن بولادى. جۇمىس تاجىريبەسى 1998 جىلدىڭ 1 قاڭتارىنا دەيىن جانە ودان كەيىن دە جيناقتالعان ءوتىلى  ەسەپكە الىنادى.

سونداي-اق، زەينەتاقى جۇيەسىندەگى ءوتىلى، بازالىق زەينەتاقىنى ەسەپتەۋدە ەسەپكە الىنادى. وعان 3 جاسقا دەيىن بالا كۇتىمىمەن وتىرعان كەزەڭ،  (جالپى العاندا 12 جىلعا دەيىن)، مۇگەدەك-بالانى باعىپ-قاعۋ، اسكەري قىزمەتتەگى جۇبايلاردىڭ بىرگە تۇرۋى (مەرزىمدى اسكەري قىزمەتتەگىلەردەن باسقا)، ولاردىڭ جۇمىسقا تۇرۋ مۇمكىندىگى بولماعان، جەرگىلىكتى جەردەگى ارنايى مەملەكەتتىك قىزمەتكەرلەردىڭ (جالپى العاندا 10 جىلدان اسپاۋى كەرەك) جانە ت.ب.

سونداي-اق، 2014 جىلدان باستاپ جۇمىس ىستەپ جۇرگەن 1 جاسقا دەيىن بالا كۇتىمىمەن دەمالىستا وتىرعان ايەلدەرگە    رەسپۋبليكالىق بيۋدجەتتەن 10 پايىز مىندەتتى زەينەتاقى جارناسىن سۋبسيديالاۋ ەنىگىزىلدى.

 2020 جىلدان باستاپ شارتتى-جيناقتاۋشى  كومپونەنت ەنگىزىلەدى. ول زەينەتاقى جيناعىنىڭ كولەمىن 5 پايىزدىق مىندەتتى زەينەتاقى جارناسى ەسەبىنەن وسىرۋگە باعىتتالعان. ونى جۇمىس بەرۋشى جۇمىسشىلارىنىڭ پايداسىنا ءوز قاراجاتىنان تولەيدى. 

مۇنىڭ ءبارى ايەل ازاماتتارعا زەينەتاقى جيناعىنىڭ كولەمىن جانە ەڭبەك ءوتىلىمىن ارتتىرۋعا مۇمكىندىك بەرەدى. بۇل بازالىق زەينەتاقىنى بەلگىلەۋدە ەسەپكە الىنادى.

وسىلايشا ايەلدەردىڭ ەرتە زەينەتكەرلىككە شىعۋى بارىسىندا بارلىق قولدانىستاعى جەڭىلدىكتەر ساقتالادى:

بىرىنشىدەن، بەس بالا تۋعان جانە 20 جىل ەڭبەك ءوتىلى بار ايەلدەر 53 جاسىندا زەينەتكەرلىككە شىعۋعا قۇقىلى؛

ەكىنشىدەن، توتەنشە جانە رادياسيالىق تاۋەكەلى بار ايماقتاردا جانە سەمەي يادرولىق سىناق پوليگونىندا  5 جىلدان از ەمەس ۋاقىت تۇرعاندار 45 جاسىندا زەينەتكەرلىككە (20 جىل ەڭبەك ءوتىلى بولۋى كەرەك)شىعادى؛ 

ۇشىنشىدەن، جيناقتاۋشى زەينەتاقى جۇيەسىنە قاتىسۋشىلار ءۇشىن زەينەتاقى انۋيتەتىن يەلەنۋى جاعدايىندا زەينەتاقى جيناقتارى  جەتكىلىكتىلەر 2019 جىلى 51 جاستان  زەينەركەرلىككە ەرتە شىعا الادى؛ 

ايەلدەردىڭ زەينەتكەرلىككە شىعۋ جاسىنىڭ كەستەسى

2018 جىلدىڭ 11 ايىنىڭ قورتىندىسى بويىنشا بيۋدجەتتەن بولىنگەن جيىنتىق زەينەتاقىنىڭ ورتاشا كولەمى  81 159 تەڭگە، 2017 جىلدىڭ وىس كەزەڭىمەن سالىستىرعاندا زەينەتاقىنىڭ ورتاشا كولەمىنەن 23 پايىزعا ارتىق. (2017 جىلدىڭ 1 جەلتوقسانىندا بيۋدجەتتەن جيىنتىق زەينەتاقىنىڭ ورتاشا كولەمى– 65 935 تەڭگە).2018 جىلدىڭ 1 جەلتوقسانىندا  جاسى بويىنشا  زەينەتاقى الاتىنداردىڭ جالپى سانى  – 2 172،9 مىڭ ادامدى قۇرادى.