(سۋرەتتە ادولف گيتلەر مەن ورىنباسارى رۋدولف گەسس)

ساياساتكەر، وراتور ادولف گيتلەر گوموسەكسۋال ءارى گەتەروسەكسۋال بولعان. بۇل تۋرالى 1943 جىلى انتروپولوگ گەنري فيلد دايىنداعان باياندامادا جازىلعان. بايانداما بۇگىندە ورتالىق بارلاۋ اگەنتتىگىندە جاتقان كورىنەدى. گيتلەرگە قاتىستى قۇپيا دەرەكتەردى بريتاندىق Daily Mail باسىلىمى جازدى. بايانداماداعى دەرەكتەرگە سايكەس:

-گيتلەر تەك «گوموسەكسۋال عانا ەمەس، سونىمەن قاتار گەتەروسەكسۋال» بولعان.

 -1943 جىلعى ەسەپتە گيتلەردىڭ 1910-1913 جىلدارى ءومىر سۇرگەن ۆەنا حوستەلى جايلى دا ايتىلعان.

-اتالمىش حوستەل ەر ادامدار راحاتىن قاندىرۋ ءۇشىن باراتىن مەكەمە بولعان ەكەن.

-سونىمەن قاتار، گيتلەر ورىنباسارى رۋدولف گەسسكە دە سەكسۋالدىق ارەكەت كورسەتكەن.

ادولف گيتلەردىڭ گوموسەكسۋاليزمگە قاتىسى بولعاندىعى جايلى بايانداما ەكىنشى دۇنيەجۇزىلىك سوعىس ۋاقىتىندا اقش پرەزيدەنتى فرانكلين د.رۋزۆەلت ءۇشىن دايىندالدى. تاقىرىبى – گيتلەر «قانداي گوموسەكسۋاليست بولسا، سونداي گەتەروسەكسۋاليست».

ال ورىنباسارى رۋدولف گەسسكە دەگەن سەكسۋالدىق ارەكەتى جايلى باياندامانىڭ 70-بەتىندە جازىلعان. بۇدان بولەك باياندامادا گيتلەردىڭ وزگە دە قاسيەتتەرى، ومىرلىك ۇستانىمدارى: بالالىق شاعى، ءبىلىمى، جەگەن تاماعى، تىڭداعان اندەرى، سويلەگەن ءسوزى، سويلەۋ تەحنيكاسى – ءبارى-بارى قامتىلعان. سونىمەن قاتار گيتلەردىڭ سەكسۋالدىق بەيىمدىلىگى مەن 1920 جىلداردىڭ باسىنداعى اۆسترياداعى ءوز نانىن تابۋ ءۇشىن قارا جۇمىسقا جەگىلگەن كۇندەرى جايلى دا بىلۋگە بولادى.

گيتلەردىڭ ۆەناداعى ەرلەر جاتاقحاناسىندا تۇرعانى جايلى بۇدان بۇرىن دا بەلگىلى بولعان. جۇمىسسىز گيتلەر العاشىندا سۋرەتشى بولۋدى ۇيعاردى. اكەسىنىڭ مۇراسىن العان سوڭ جاتاقحانادان شىعىپ، گەرمانياعا اۋىسادى.

بايانداماداعى دەرەككە سايكەس، گيتلەر ءۇش جىل ءومىر سۇرگەن «گەي-حوستەل» - ەگدە ەر كىسىلەردىڭ جاس جىگىتتەرگە گوموسەكسۋالدىق ارەكەت كورسەتۋ ءۇشىن باراتىن ارنايى ورنى. ستراتەگيالىق قىزمەت باسقارماسىنىڭ بايانداماسى دا وسى انىقتامانى راستايدى.

گيتلەردىڭ جىنىستىق تاۋەلدىلىگى جايلى اقپاراتتى العاشقى بولىپ جايىپ سالعان ەرنست سەدجۆيك گانفشتەنگل. ول – 1920-1930 جىلدارى گيتلەردىڭ جاقىن دوسى ءارى وڭ قولى بولعان. الايدا گيتلەردىڭ قاھارىنا ۇشىراعان سوڭ ۇلىبريتانياعا قاشىپ، كەيىن اقش-قا پرەزيدەنت رۋزۆەلتتىڭ قول استىنا جۇمىس ىستەۋگە بارادى.

باياندامادا مالىمدەلگەندەي، گيتلەردىڭ ورىنباسارى فيۋرەر گەسسكە دەگەن قۇمارلىعى شەكتەن تىس بولعان. ءتىپتى ونىمەن جۇرگەندە اينالاسىندا ەشكىمدى كورمەستەي ەدى. قۇمارلىعى قاتتى بولعانى سونشالىق گيتلەر مەرەكەلىك بالدارعا گەسسپەن بىرگە بارعان ەكەن. ءبىر قىزىعى، گەسس ايەلدىڭ كيىمىن كيىپ الىپ، «فرەيلان اننا» دەگەن ەسىممەن جۇرگەن.

تاعى ءبىر دەرەك، گانفشتەنگل گيتلەردى سادومازوحيست رەتىندە دە كورسەتتى. سادومازوحيست – سەرىكتەسىمەن قارىم-قاتىناستا وزىنە نەمەسە سەرىكتەسىنە فيزيكالىق يا مورالدىق قىسىم كورسەتۋ.

بايانداماسىن اياقتاي وتىرىپ، فيلد بىلاي دەپ جازادى: «ونىڭ سەكسۋالدىق ءومىرى ساياسي كوزقاراسى سەكىلدى مىقتى بولدى. ول گوموسەكسۋاليست، گەتەروسۋكسۋال، سونىمەن قاتار سوسياليست، ۇلتشىل، ەر ادام ءارى ايەل ادام».