ورتا سالماقتا بۇرىنعى الەم چەمپيونى قازاقستاندىق گەنناديي گولوۆكين (38-1-1، 34 كو) مەكسيكالىق ساۋل "كانەلو" الۆارەسپەن ءۇشىنشى رەت جۇدىرىقتاسۋعا مۇددەلى ەمەس. بۇل تۋرالى مەكسيكالىق بوكسشىنىڭ ءىسىن جۇرگىزەتىن Golden Boy Promotions پرەزيدەنتى ەريك گومەس مالىمدەدى، دەپ جازادى Qamshy.kz اقپارات اگەنتتىگى Vesti.kz سايتىنا سىلتەمە جاساپ.

"گولوۆكين ەندى "كانەلومەن" جۇدىرىقتاسقىسى كەلمەيتىن سياقتى. جەڭىل جەكپە-جەكتەردى قالايدى، بۇعان دەيىنگىلەرگە ۇقساس. جارايدى، كورەيىك"، - دەپ كەلتىرەدى گومەستىڭ ءسوزىن Boxingnews24.com.

الايدا پروموۋتەر الدىن الا جۇرگىزىلگەن كەلىسسوزدەردە نە بولعانىن ناقتى ايتپادى. پروموۋتەر ءۇشىنشى جەكپە-جەك ءۇشىن گولوۆكيندى ءتيىمسىز كەلىسىمشارتقا كوندىرمەك بولدى ما، الدە قازاقستاندىق شىنىمەن ءۇشىنشى جەكپە-جەكتەن باس تارتتى ما، ول جاعى ازىرگە بەلگىسىز. گومەستىڭ بۇلاي ايتۋىنا نە تۇرتكى بولعانى دا تۇسىنىكسىز.

مۇنىڭ الدىندا Golden Boy Promotions يەسى وسكار دە لا حوييا گولوۆكيننىڭ وكىلدەرىمەن الدىن الا كەزدەسۋ وتكىزگەنىن حابارلاعان. سونىمەن قاتار، ول گومەسكە ءۇشىنشى جەكپە-جەك بويىنشا كەلىسسوز جۇرگىزۋدى باستاۋعا نۇسقاۋ بەرگەن.