15 قاڭتاردان باستاپ الماتىنىڭ ساين جانە ءال-فارابي كوشەلەرىندە ساعاتىنا 80 شاقىرىم جىلدامدىقپەن جۇرۋگە بولمايدى. بۇرىنعى 80 سانى ەندى بۇگىننەن باستاپ، 60-قا اۋىستىرىلىپ جاتىر. مۇنىڭ سەبەبى نەدە؟
دەرەككە جۇگىنەر بولساق، قازىرگى كەزدە جول-كولىك اپاتىنىڭ باسىم بولىگى جۇرگىزۋشىلەردىڭ كىناسىنەن، ياعني جىلدامدىقتىڭ ارتۋىنان ورىن الىپ وتىرعانى بەلگىلى. سوندىقتان الماتىنىڭ ىشكى ىستەر دەپارتامەنتى وسىنداي قادامعا بارىپ وتىر. بۇل تۋرالى جاقىندا الماتى قالاسىنىڭ اكىمى باۋىرجان بايبەك تە ءمالىم ەتكەنى بەلگىلى.
الماتى قالاسى ىشكى ىستەر دەپارتامەنتىنىڭ رەسمي وكىلى سالتانا ازىربەكتىڭ مالىمەتىنشە، ءال-فارابي داڭعىلىندا جىلدامدىق رەجيمىن ساعاتىنا 80-نەن 60 شاقىرىمعا ءتۇسىرۋ ارقىلى جولداعى ۋاقىت تەك ەكى مينۋتقا ارتاتىنىن ايتادى.
–ەگەر وسى ەكى مينۋت ءبىر ادامنىڭ بولسىن، ءومىرىن امان الىپ قالۋعا مۇمكىندىك بەرەتىن بولسا، وندا جىلدامدىق رەجيمىن وزگەرتۋ شاراسى دۇرىس شەشىم دەپ ويلايمىن. وسىعان بايلانىستى الداعى ۋاقىتتا ادام قاۋىپسىزدىگى ءۇشىن باسقا دا شارالار جاسالىناتىن بولادى،– دەدى سالتانات ازىربەك.
پىكىر قالدىرۋ