الماتىدا دەنيس تەننىڭ ءولىمى بويىنشا سوت وتىرىسى ءوتىپ جاتىر. بۇل تۋرالى Qamshy.kz اقپارات اگەنتتىگى سوت زالىنداعى tengrinews.kz تىلشىسىنە سىلتەمە جاساپ حابارلايدى.

سوت الدىنا ارمان قۇدايبەرگەنوۆ، نۇرالى قياسوۆ پەن جانار تولىبايەۆا كەلدى. پروكۋرور قۋاندىق دوسوۆتىڭ ايتۋىنشا، سوت وتىرىسى بارىسىندا كۇدىكتىلەردىڭ كىناسى تولىقتاي دالەلدەندى.

ارمان قۇدايبەرگەنوۆ "ۇرلىق" "قاراقشىلىق"، "ادام ءولتiرۋ" باپتارى بويىنشا ايىپتالۋدا. نۇرالى قياسوۆ تا ءدال سول باپتار بويىنشا ايىپتالىپ جاتىر ("ۇرلىقتان" باسقا). جانار تولىبايەۆا "ۇرلىق" جانە "قىلمىس تۋرالى حابارلاماۋ" باپتارى بويىنشا ايىپ تاعىلىپ وتىر.

"ارمان قۇدايبەرگەنوۆتى ايىپتى دەپ تانىپ، 20 جىلعا باس بوستاندىعىنان ايىرۋدى سۇرايمىن، جازاسىن ماكسيمالدى قاۋىپسىزدىك مەكەمەسىندە وتەسىن. نۇرالى قياسوۆ ايىپتى دەپ تانىلىپ، 20 جىلعا باس بوستاندىعىنان ايىرىلسىن، جازاسىن ماكسيمالدى قاۋىپسىزدىك مەكەمەسىندە وتەسىن. جانار تولىبايەۆانى ايىپتى دەپ تانىپ، ونى 4 جىلعا باس بوستاندىعىنان ايىرۋدى سۇرايمىن"، - دەدى پروكۋرور دوسوۆ.

♦دەنيس تەننىڭ ءولىمى: كۋاگەر ەكى پوليسەي وقيعانىڭ قالاي بولعانىن باياندادى

دەنيس تەندى كىم ولتىرگەنى بەلگىلى بولدى

ەسكە سالايىق، بىلتىر 19 شىلدەدە الماتىدا بەلگىسىز بىرەۋلەر دەنيس تەندى پىشاقتاپ كەتكەنى بەلگىلى.  وقيعا شامامەن 15.00-دە قۇرمانعازى مەن بايسەيىتوۆا كوشەلەرىنىڭ قيىلىسىندا بولعان. كەيىن قالالىق ءىىد وكىلدەرى دەنيس تەنگە اۆتوۇرىلار شابۋىل جاساعانىن ءمالىم ەتتى. سويتسەك، سپورتشى ۇرىلاردىڭ قىلمىسى ۇستىنەن تۇسكەن بولىپ شىقتى. جانجال كەزىندە سپورتشىنىڭ اياعىنا پىشاق ءتيىپ، كوپ قان جوعالتقان. ول اۋرۋحانادا كوز جۇمدى. 

♦"دەنيس تەندى تاپسىرىسپەن ولتىرگەن بولۋى مۇمكىن"

♦"دەنيس تەن پىشاقتان قورىققان جوق": قىلمىسكەر سپورتشىنى قالاي ولتىرگەنىن ايتىپ بەردى

كەيىنىرەك قۇرمانعازى مەن بايسەيىتوۆا كوشەلەرىنىڭ قيىلىسىندا داڭقتى مانەرلەپ سىرعاناۋشى دەنيس تەننىڭ قۇرمەتىنە ەسكەرتكىش ورناتىلاتىنى حابارلانعان ەدى. سونداي-اق، وعان "حالىق قاhارمانى" اتاعىن بەرۋ ۇسىنىلعان بولاتىن.

♦وكسانا تەن: جانار تولىبايەۆا دەنيس ولگەن كۇنگە دەيىن ەۋروپامەن بايلانىستا بولعان

ۇسىنعان: گۇلىم جاقان