الماتى قالاسىندا ارنايى وپەراسيا جۇرگىزۋ بارىسىندا ۇقك تاياۋ شىعىس ەلدەرىنە اسكەري اۆياسيالىق تەحنيكانى زاڭسىز الىپ وتپەك بولعان قىلمىستىق توپتى قۇرىقتادى، دەپ مالىمدەدى ق ر ۇقك باسپا ءسوز قىزمەتى Qamshy.kz اقپارات اگەنتتىگىنە.
«الىنعان مالىمەتتەر بويىنشا ق ر ازاماتتارى قۇرامىنداعى قىلمىستىق توپ ءبىرقاتار شەت مەملەكەتتەردىڭ اسكەري اۋە كەمەلەرىنە ورناتىلاتىن اۆياسيالىق قۇرال-جابدىقتاردى ەلدەن زاڭسىز الىپ كەتپەك بولعان. اتالمىش تەحنيكانىڭ سوماسى 122 مىڭ دوللاردى قۇرايدى. ۇقك-دە اتالعان فاكتىگە قاتىستى ق ر قك 286-بابىنىڭ 2-بولىگى بويىنشا قىلمىستىق ءىس قوزعالدى»، - دەلىنگەن حابارلامادا.
دەپارتامەنتتىڭ مالىمەتىنشە، 16 قاڭتاردا تەرگەۋ شارالارى بارىسىندا اسكەري قۇرال-جابدىقتاردىڭ باسقا ەلگە تاسىمالداۋعا دايىندالىپ جاتقانى انىقتالدى. قىلمىسقا قاتىسى بار تۇلعالار ۇستالىپ، الماتى قالالىق مامانداندىرىلعان سوتىمەن تەرگەۋ يزولياتورىنا قاماۋعا الىندى.
بۇگىندە بولعان وقيعاعا بايلانىستى تەرگەۋ جۇمىستارى جالعاسۋدا.
دايىنداعان: نازەركە لابيحان
پىكىر قالدىرۋ