اۆاتار اۋىستىرۋ بويىنشا event-جوبا جالعاسىپ جاتىر. بۇل تۋرالى قازاقستان حالقى اسسامبلەياسى «جاڭعىرۋ جولى» رەسپۋبليكالىق جاستار قوزعالىسىنىڭ ءتوراعاسى ماكسيم سپوتكاي مالىمدەدى. 

«كەشە قازاقستانداعى جاستار جىلىنىڭ اشىلۋ سالتاناتىندا باستالعان جانە جاستاردىڭ مەملەكەت باسشىسىنىڭ باستامالارىن قولداۋعا باعىتتالعان اۆاتار اۋىستىرۋ بويىنشا اكسيامىز ءوز جالعاسىن تاپتى. ەندى بۇل جۇمىستى تەك ەكى جاستار ۇيىمى - «جاڭعىرۋ جولى» مەن «جاس ۇلان» جۇرگىزبەيدى. «جاس وتان» جاستار قاناتى، «بولاشاق» قاۋىمداستىعى، قازاقستان ستۋدەنتتەرى اليانسى جانە وزگە دە ۇيىمدار ءوز سايتتارىندا اۆاتار ءۇشىن فرەيمداردى ورنالاستىرۋدا. جالپى العاندا، اكسيا قاناتىن كەڭگە جايدى. ەندى ءوزىمىز دە قانشا جاس قازاقستاندىق ازاماتتىڭ پرەزيدەنت باستامالارىن قولداعانىن ناقتى ايتا المايتىنىمىزدى اتاپ وتكىم كەلەدى. سەبەبى، مىسال كەلتىرسەك، jastar.inform.kz سايتىندا قازىرگى كەزدە ەسەپتەۋىش 88 مىڭ ادامدى كورسەتىپ وتىرسا، جاستار ۇيىمدارىنىڭ سايتتارىندا ەسەپتەۋىشتەر جوق. قالاي بولعاندا دا، ءبىز قازاقستاندىق جاستاردى بۇل جوباعا اتسالىسۋعا شاقىرامىز»، - دەدى م.سپوتكاي.  

ونىڭ پىكىرىنشە، اكسيانىڭ جالپى قورىتىندىلارىن ءبىر اپتا ىشىندە شىعارۋعا بولادى، دەگەنمەن، ءقازىردىڭ وزىندە جاستاردىڭ پرەزيدەنت باستامالارىن قولداۋدىڭ جوعارى دەڭگەيىن كورسەتۋدە.

ەسكە سالا كەتەيىك، سارسەنبى، 23 قاڭتار كۇنى «جاڭعىرۋ جولى» جانە «جاس ۇلان» جاستار ۇيىمدارىنىڭ باستاماسىمەن، «قازاقپارات» حاا-نىڭ قولداۋىمەن جاڭا جوبا ىسكە قوسىلعان. 

بۇعان دەيىن حابارلانعانداي، Facebook الەۋمەتتىك جەلىسىنىڭ پايدالانۋشىلارى ءوز اۆاتارىن Generation Q پاراقشاسىنا كىرىپ جاڭارتا الادى.