حالىقارالىق قاردى اۋدارىلىمى جۇيەسى ارقىلى 2018 جىلدىڭ وزىندە قازاقستاننان رەسەيگە 233،2 ميلليارد تەڭگە اۋدارىلدى دەپ حابارلايدى قامشى اقپارات اگەنتتىگى LS پورتالىنا سۇيەنە وتىرىپ.

قارجىنىڭ ەسەپسىز سىرتقا كەتىپ جاتقانى راس. ءقازىر قازاقستان باسقا ەلدەر ءۇشىن مايشەلپەك جانە بانان ەلگە اينالىپ وتىرعانى وتىرىك ەمەس. ەلىمىزدە بالا-شاعاسىن اسىراپ، ءناپاقاسىن تاۋىپ جۇرگەن گاستاربايتەرلەر دە، ەل شيكىزاتىنان وراسان زور تاۋىپ جاتقان ينۆەستورلار دا وتە كوپ. ەندەشە سوڭعى دەرەككە نازار اۋدارىڭىز، قازاقستاننان اۋدارىلعان اقشا وزگە ەلدىڭ سالىق قازىناسىن تولتىرىپ جاتىر. سونىمەن...

حالىقارالىق قارجى اۋدارىلىمى جۇيەسى ارقىلى 2018 جىلدىڭ وزىندە رەسەيگە قازاقستاننان 233،2 ميلليارد تەڭگە اۋدارىلعان بولىپ شىقتى. ودان كەيىنگى ورىندا –وزبەكستان. نەگىزىنەن ولاردىڭ باسىم بولىگى وزبەك گاستاربايتەرلەرى بولۋى دا مۇمكىن. وتكەن جىلى وزبەكتەر  ءوز ەلىنە 111  ميلليارد تەڭگە اۋدارعان كورىنەدى. بۇل ورايدا تۇرىكتەر دە قالىس قالىپ وتىرعان جوق. 2018 جىلى حالىقارالىق قارجى اۋدارىلىمى جۇيەسى ارقىلى قازاقستاننان تۇركياعا 70،2 ميلليارد تەڭگە قارجى جىبەرىلگەن.

اتاپ وتەتىن ءبىر جايت، ەڭ از اقشا  ارمەنيا مەن بەلارۋسكە جىبەرىلگەن.

ارميانداردىڭ قازاقستاننان العان «ۇلەسى» – 6،43 ميلليارد تەڭگە  بولسا، بەلارۋستاردىڭ ەنشىسىندە 1،42 ميلليارد تەڭگە بولىپ وتىر. ۇلتتىق بانكتىڭ ەسەبىنە جۇگىنەر بولساق، اتالعان قارجىنىڭ باسىم بولىگى نەگىزىنەن مامىر، ماۋسىم جانە قازان ايلارىندا اۋدارىلعان.

ال وتكەن جىلى سىرتقى ەلدەردەن قازاقستانعا 361،7 ملرد تەنگە اۋدارىلعان. ونىڭ باسىم بولىگى رەسەي، وڭتۇستىك كورەيا، قىرعىزستاننان كەلگەن. ال ەڭ ازى بەلارۋس ەلى مەن قىتايدان اۋدارىلعان كورىنەدى.