تۇركىستان وبلىسىندا 44 تاسىمالداۋشى 1224 دانا اۆتوبۋسپەن (شاعىن اۆتوبۋسپەن) جولاۋشىلار تاسىمالداۋ قىزمەتىن كورسەتۋدە.  وبلىستاعى تۇراقتى باعىتتار جەلىسى – 325 باعىتتاعى 1090 كەستەدەن تۇرادى. وبلىس بويىنشا 2018 جىلى 797 ملن. جولاۋشى تاسىمالدانعان. بۇل كورسەتكىش وتكەن جىلمەن سالىستىرعاندا 1،8 پايىزعا جوعارى. 2019 جىلى 865 ملن. جولاۋشى تاسىمالدانادى دەپ كۇتىلۋدە. وتكەن جىلى جالپى جولاۋشىلار كولىگىندە 18 تۇراقتى باعىت اشىلدى. بۇل تۋرالى تۇركىستان وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى بەكزات تىلەگەنوۆ مالىمدەدى.

ودان بولەك، 2019 جىلدىڭ 1 قاڭتارىندا الەۋمەتتىك ماڭىزى بار «تۇركىستان – بادام» جانە «تۇركىستان – سارىاعاش» تەمىرجول باعىتتارى اشىلدى. پويىزدار اپتاسىنا 5 رەتتەن قاتىنايدى. بيلەت قۇنى «تۇركىستان – بادام» – 609 تەڭگە، «تۇركىستان – سارىاعاش» – 1114 تەڭگە.

سونىمەن قاتار، 2019 جىلدىڭ 4 قاڭتارىندا اپتاسىنا 2 رەت جيىلىكپەن «تۇركىستان – شىمكەنت» جەدەل پويىزى ىسكە قوسىلدى. ورىندار سانى – 175. بيلەت قۇنى – 609 تگ. شىمكەنت قالاسىنان شىعۋ – 05-45 (دۇيسەنبى)، تۇركىستان قالاسىنان شىعۋ – 19-25 (جۇما).

ايتا كەتەرلىگى، تۇركىستان قالاسىنىڭ وزبەكستاننىڭ سامارقاند قالاسىمەن ساۋدا-ەكونوميكالىق، تۋريستىك الەۋەتىن نىعايتۋ ماقساتىندا، 2019 جىلدىڭ 1ء-شى توقسانىندا «تۇركىستان – سامارقاند» تۇراقتى حالىقارالىق اۆتوبۋس باعىتىن اشۋ جوسپارلانىپ وتىر.

                                                                   تۇركىستان وبلىسى اكىمىنىڭ باسپا ءسوز قىزمەتى